泳兒與Mani及工作人員食飯，提到獲大家支持，不禁淚如雨下。
泳兒在元旦當日奪得「叱咤樂壇女歌手銀獎」表現激動，沒想到泳兒至今仍難以平伏心情。今日經理人霍汶希(Mani)在IG分享泳兒爆哭的片段，片中見到泳兒與Mani及兩位工作人員一齊食飯，但泳兒提到拎獎時，不停哭。
泳兒在片中說︰「我見到啲留言話大家撐泳兒，我真係冇諗到，冇諗過發生咁嘅事。」由於當時他們在吃甜品，之後Mani說︰「食飯都喊！明明食緊甜品，係咪好食到喊！」當Mani埋單時，泳兒又再哭，因為自己沒有機會請大家食飯，答謝大家的付出，她說︰「唔俾我俾錢呀！我想俾錢都俾唔到！好傷心冇得請食飯！」Mani答道︰「要慶祝你嘛！我俾機會，嚟近你要努力！」
Mani上載片段說︰「傻妹~ 點會無人撐你呀！嗱~ 請食飯嘅機會我就唔俾你㗎喇！但公司嘅Support 就肯定源源不絕嘅，加油Vincy ！#有人食食下甜品係度喊#令我一度懷疑個甜品係咪伏野」泳兒留言回應表示沒有醉，但揚言下次會搶埋單。
amjetso 20周年大激賞│請你嘆香港迪士尼樂園酒店及迪士尼探索家度假酒店餐飲美饌
