本地
2018-07-03 06:00:00

李嘉誠初來港染肺結核 飽嚐貧病悟富足者要幫人

分享:
李嘉誠在回港航程中,回想對汕大所做的一切,內心觸動。(李嘉誠基金會提供)

李嘉誠在回港航程中,回想對汕大所做的一切,內心觸動。(李嘉誠基金會提供)

李嘉誠上周五卸下汕大校董會名譽主席一職後,日前離開汕大時,回想38年來對汕大所做的,內心觸動,想起「建立自我,追求無我」精神背後的故事。他憶起自己29歲時,開始踏進事業大收成期,但心裡反而感到天天納悶,覺得好像成就來時也沒有特別意義,某天晚上在家居附近的寶珊道散步,他坐在路邊石上呆想,發覺有錢雖不是每事也做得到,但沒有錢便甚麼事也做不到,悟出富足者就要幫人。

 

愛將「知識改變命運」掛在口邊的李嘉誠,1940年隨家人來港,當時正值戰亂,他亦飽嚐貧病,但惡劣環境反增添發奮圖強的鬥心。他向記者娓娓道來年幼時的苦況,「我十歲就讀中學,個課室密密側側,當時中國都係窮嘅,我入去(中學)我最細嗰個、又肥仔,但總之一、二、三名,我一定係其中,即我鍾意讀書,卒之(遇到)戰爭、貧窮、又生病……」

但李嘉誠勤於自學,「我求學,係買老師教學生嘅書本,當時當燃料、當柴燒,當街擺喺地下賣,我買咗大學二年級教師用嘅(中文書),我嘅學問就係咁嚟,冇一個先生(老師)教過我,但我查字典查到熟晒……喺度打工,有時間盡量學……」

他續說,「我嚟香港時12歲,當時潮汕已經被日本仔occupy(佔領),41年太平洋戰爭,所碰嘅係好困難,自己(染上)TB(肺結核),又要打工,我14歲時爸爸過身,所以對於(捐資)教育、醫療,係我終身好樂意去做。」


與家人講第三子 「個個睇住我搞乜鬼」
李嘉誠基金會於1980年成立,視基金會為第三個兒子的李嘉誠,萌生這個念頭始於一個失眠的晚上,「𠴱日係禮拜日,瞓唔著,臨到天光我諗咗出嚟,如果我有多個細路哥,我係咪俾資產佢?一諗通呢度,我個心就開,當我自己生多個仔……」李嘉誠隔天在家庭晚宴宣布這個消息,他說,「我同Victor講,你知唔知你哋仲有多一個細佬,個個睇住我,(睇我)究竟搞乜鬼;我話呢個細佬有好處,你唔好蝦佢,佢永遠唔會蝦你,聽落去有啲離奇,我話成立基金會,所有一生嘅資產、現金全部俾晒佢……」

熱愛中國傳統文化的李嘉誠,會抽空向孫兒女們教授中國文化,並自編講義,他笑言,「有朋友要攞我一本copy,我都唔肯。」他對兒孫們的教學方法,是盡量教最重要的格言,「自己認為格言終身有用,都係叫佢行條正路;係咪經我教導後,百分百理想?未必,但so far so good。」他又打趣說,「Richard(年輕)𠴱陣時,我喺度打江山,教佢(時間)反為少啲。」

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受