娛樂
2022-08-26 16:30:31

梁漢文升呢做央視綜藝 宣傳照執到面目全非

分享:

出道三十一年嘅梁漢文(Edmond)近年專攻內地市場,上年參加《披荊斬棘的哥哥》之後又拍埋《大灣仔的夜》,睇佢社交帳戶都有唔少內地工作生活照,似乎發展唔錯。

梁漢文升呢做央視綜藝 宣傳照執到面目全非

梁漢文升呢做央視綜藝 宣傳照執到面目全非

梁漢文升呢做央視綜藝 宣傳照執到面目全非

早前央視搵梁漢文參與以戲曲為題材嘅綜藝節目《拿手好戲》,節目今個星期日出街,Edmond當然要po下宣傳相。不過節目組嘅官方相中,將梁漢文個樣過份修圖,十足九十年代言情小說封面咁。睇返其他參與藝人嘅官宣照,好似王祖藍咁,都係執到怪怪地。

梁漢文升呢做央視綜藝 宣傳照執到面目全非

央視形容《拿手好戲》係「戲曲沉浸式研學創演真人秀」,參加藝人以「跨界傳統愛好者」身份,學習唱做唸打等戲曲基本功。參與《拿》嘅嘉賓陣容包括演藝學院出身嘅王祖藍,內地藝人就有俞灝明、黃聖依等。早前有傳連成龍、劉德華同黃曉明都請得郁,但官方名單暫未見三人蹤影。

 

原文刊登於 Yahoo 娛樂LOL,am730獲授權轉載

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受