娛樂
2022-10-06 18:46:09

鄭伊健紅館騷前熱身 黃淑蔓雲浩影自薦做嘉賓

分享:
鄭伊健與馮允謙、梁釗峰、黃淑蔓和雲浩影一齊開網上音樂會。

鄭伊健與馮允謙、梁釗峰、黃淑蔓和雲浩影一齊開網上音樂會。

鄭伊健將於112124日及2627日,在紅館舉行六場演唱會,昨日信用卡用戶優先訂飛,在開賣四小時火速售罄。未能撲到飛的朋友,還可以在周日(9日) 晚上9時,透過全港逾30間媒體Facebook專頁欣賞他在《Media Asia X Highlighter Music Gig Online》演出,Fans一齊練歌,為個唱熱身

伊健率領梁釗峰、馮允謙(Jay Fung)、黃淑蔓(Feanna)和雲浩影(Cloud)一齊參與今次網上音樂會,並邀請商台DJ謝茜嘉擔任主持。拍攝當日,伊健提早抵達現場,為了聽幾位實力非凡的小師弟妹表演。事後伊健對他們說:「我早啲嚟係想聽你哋唱歌,我聽得好開心,好似睇緊演唱會。剛才我仲同FeannaCloud合唱,其實開過咁多次演唱會,從來都冇機會唱呢首歌,今日係第一次。之前我哋一齊拍咗套電影《深宵閃避球》,大家有咗默契,所以我專登揀呢首歌一齊唱,至於咩歌要大家估下先!」

鄭伊健提早到場聽大家唱歌。

鄭伊健提早到場聽大家唱歌。

Jay Fung想為伊健寫歌

Jay Fung表示好開心可以同伊健一齊jam歌,但二人未有機會合唱。他向伊健問道︰「我好想寫歌俾你,你會唔會唱?」伊健興奮地說:「係咪㗎?我驚我唱唔到,不如你兩個(Jay Fung、釗峰)一齊作歌,寫一首我哋幾個合唱嘅歌,有男聲有女聲,幾好呀!

音樂會尾聲,幾位師弟師妹向伊健送上寫上「一生幸福」的日本清酒,預祝他十一月紅館演唱會成功,Feanna也趁機會向大師兄講出心裡願望,她說:「其實我好多年之前許下願望,希望25歲前可以去到紅館表演,加上我好想做你演唱會嘉賓,企喺紅館舞台⋯⋯嗱!冇壓力㗎!」就連怕醜少說話的Cloud也跟著說:「如果Feanna上到我都想上,係囉,冇壓力㗎!我哋都係你嘅學生!」兩位非常主動,全場笑聲。伊健表示邀請演唱會嘉賓重任,由音樂監製陳光榮負責,Feanna並無放棄,說:「唔緊要嘅,我會嚟睇,我要坐第一行,同你say hi,你記得同番我say hi喎!」非常搞笑。

 

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受