娛樂
2022-09-12 21:49:09

有個閨密叫祖藍|王祖藍為李亞男立定遺囑 確保老婆有錢用

分享:
王祖藍邀請陳松伶做嘉賓,反被問財產安排。

王祖藍邀請陳松伶做嘉賓,反被問財產安排。

由王祖藍擔任主持的綜藝節目《有個閨密叫祖藍》,請來陳松伶(松松)擔任嘉賓,雖然松松與祖藍是透過《閨密》才首度會面的「網友」,但二人一來就「爆料無極限」;王祖藍被松松追問下,直認偶爾會將收入全數上繳李亞男:「我話過『逢係同你一齊做嘅job,啲收入全部俾晒你。』」更驚爆已為愛妻立定遺囑:「基本上我類似整晒遺囑,房產收租都會去晒佢嗰度,我係預咗萬一自己唔喺度,佢都一路有收入。」對於祖藍對愛妻如此貼心盡責,松松大表欣賞,並指張鐸也是責任心很重的男人:「你哋都會先為對方去諗,好驚自己有一日照顧唔到對方會點。」

王祖藍已經立好遺囑,將所有財產交給李亞男。 王祖藍已經立好遺囑,將所有財產交給李亞男。

松松爆張鐸係緊張大師

松松常遭老公取笑「金魚記憶」,透露由於不擅計數及理財,故財政等事宜歸張鐸管理,並大讚張鐸早已為二人做好理財計劃,更詳細列出了為此必須完成的事,令松松甜在心頭:「望到個心入面好有安全感。」松松指張鐸有時為了買衣服送她,會在名店上演「女裝花生騷」,因而惹起騷動:「佢去到歐洲啲鋪頭,會真係著晒所有女裝影相畀我睇,當然係因為我冇一齊去啦,仲要全部相都係叫售貨員姐姐同佢影嘅,啲女仔就猛話:『你真係好勁呀!』」

松松又謂張鐸是緊張大師,與松松外出吃飯的友人,不少都收過他的奪命追魂Call:「我同佢相處似係多咗個爸爸咁,如果佢同我唔喺同一個城市,然後我同我哋啲common friend 出去,佢會成日打住電話問我:『幾點返去呀?車準備好喇,你快啲上車喇!』然後又係咁打俾我周遭嘅友人。」

與老公活像歡喜冤家的松松,還大方分享了二人的愛情保鮮法:「我哋紀念日同生日都會飛去對方嘅城市。(做啲咩多?)做一樣為佢而做嘅嘢,幾個鐘都可以擦出新嘅愛火花。例如我好鍾意飲香檳,佢就會陪我飲,佢自己唔飲嘅,佢成日話:『香檳有乜好飲,全部都係糖水,怪不得飲到你咁肥!』」

陳松伶在節目中大方分享與老公的相處點滴。

陳松伶在節目中大方分享與老公的相處點滴。

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受