娛樂
2022-09-19 15:30:05

七仙羽自爆情史 擺風水陣旺練馬師男友 但頂唔順呢點而分手

分享:

七仙羽自爆情史 擺風水陣旺練馬師男友 但頂唔順呢點而分手

唔少人都知風水師七仙羽(七師傅)有個拍拖多年外籍男友,而且師傅本身曾經留學外國,英文超流利之餘,仲同過唔少外國人交往。七師傅今日凌晨出post分享情史,又多樣令人估佢唔到︰師傅同過外籍練馬師一齊!

七師傅post咗2張入馬場影嘅相,話自己以前係馬會常客,因為「有些馬主是我的客人,要應酬」,但之後甚少現身,因為費事遇到前度。話說十幾年前,師傅話自己「又靚又性感」嘅時代,有馬主介紹個外籍練馬師俾佢,練馬師深深被吸引決定狂追,之後佢地就拍拖啦。但係一段時間之後師傅發覺頂唔順,原因係練馬師需要早起晨操,於是佢地拍拖嘅活動就係「去馬埸會所陪他吃飯。他住在馬埸宿舍,晚上6點前吃飯,8點前他必須要睡覺,因為早上4時要起床晨操。沒有旅行、沒有行街,最遠行沙田新城市廣場。沒有夜晚聚會、沒有和一起和朋友出外...來來去去就是馬埸會所,因為他每日要早睡,全日都在馬埸訓練,很少有時間外出。」

七仙羽自爆情史 擺風水陣旺練馬師男友 但頂唔順呢點而分手

擔心分手影響前度表現

曾經被封為「ball場風水師」嘅七師傅,呢種生活梗係格格不入,佢都大呻「我過不了這日子,真的不行,豪門不易嫁呀」。最終七師傅決定唔覆電話唔睬男友,因為驚提出分手會影響對方情緒同賽馬表現,等段關係丟淡。

三句不離本行,師傅喺個post最尾都提到「我那時在他家放了風水陣,令他贏了好多埸大賽」,高招!

原文刊登於 Yahoo娛樂LOL,am730獲授權轉載

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受