娛樂
2022-09-19 19:12:19

有個閨密叫祖藍|炎明熹希望30歲結婚 理像對象要似多啦A夢

分享:
炎明熹任《有個閨密叫祖藍》嘉賓。

炎明熹任《有個閨密叫祖藍》嘉賓。

由王祖藍主持的《有個閨密叫祖藍》,昨(18 )晚十點半無綫翡翠台播出第八集,並請來炎明熹(Gigi)任嘉賓。Gigi 在製作組安排的「閨密快問快答」、「潮語知多少」、「猜猜畫畫」及「代溝測試」環節中,先後展現古怪思路,令祖藍與製作組連番黑人問號。

炎明熹希望另一半似多啦A夢。

炎明熹希望另一半似多啦A夢。

 希望30歲結婚

Gigi 內心世界其實不難理解,與一般 17 歲中學生無異。Gigi 在學校中有兩名要好的「閨密」,除了會協助她上網課,又不時會與她分享心事及為其打氣。Gigi與其他少女一樣,早已計劃好戀愛之路,她透露早與家人商量好理想結婚年齡為 30 ,,並透露理想對象要像多啦 A 夢。

姚焯菲最成熟

談到與 After Class 成員姚焯菲(Chantel)、鍾柔美(Yumi)及詹天文(Windy)關係,Gigi 對三人讚不絕口︰「Chantel 比較成熟,有時做訪問或者要做抉擇,對我嚟講都比較困難,但佢竟然可以分析俾你聽,一句一句咁,令我覺得好有道理。Yumi 就非常活潑,係氣氛擔當,Windy 就搞怪啲。」Gigi 又慶幸首屆聲夢學員都不是爭勝心強的人︰「我哋個個都唔會話一定要贏,我覺得好難得。」

炎明熹自覺有點「九唔搭八」。

炎明熹自覺有點「九唔搭八」。

自認九唔搭八

她直認參賽《聲夢》初期完全融入不到其他學員之中︰「大家圍埋一齊傾偈,我就坐埋一邊。我比較怕醜同慢熱,有時我要諗到傾咩我先想講,否則停咗喺度我會好尷尬。(王祖藍︰真係覺得自己外星人?)係,依家會主動同佢哋傾偈。當時未知道點樣同大家溝通得良好啲,或者驚自己將話題終結。我覺得自己成日都九唔搭八,有時我聽唔明人哋某啲用語,我會俾咗反應先,然後就偷偷地喺屋企查番個 term 係咩意思。」祖藍聞言即勉勵 Gigi︰「其實你唔使怕話俾人聽『我唔明』。」Gigi 聽畢即一臉認真兼連連點頭,十分可愛。

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受