娛樂
2022-05-29 22:14:39

張敬軒演唱會|Edan、193入場睇騷 軒仔尾場唔要命唱到盡(睇片)

分享:

張敬軒的紅館個唱今晚舉行最後一場補場,因為是尾場的關係,軒仔的情緒也特別高漲。軒仔在開場時表示,入場觀眾要有心理準備會全晚叫破喉嚨,並多謝這26場入場的觀眾。他笑稱今次演唱會由40歲搞到41歲︰「我自出娘胎以來,到今時今日都唔敢諗自己會開超過25場演唱會,而今晚最值得紀念嘅,就係今晚係我人生第50場紅館演唱會。」他坦言,在疫情下仍有這麼多人支持自己,非常感恩。

張敬軒閃令令登場。(林俊源攝) 張敬軒表示尾場「唔要命咁唱」。(林俊源攝) 張敬軒閃令令出場。(林俊源攝)

王菀陳卓賢柳應廷任嘉賓

軒仔又表示,每晚演出都視最後一場,但今晚會是「唔要命咁唱」︰「人生唔要命、豁出去嘅時間唔係咁多,我準備咗一份大禮俾大家,今晚係錄影,眾所周知香港開騷要encore,為咗令DVD好睇啲,希望大家交足戲。」他笑言今次演唱會是紀念自己入行20周年,因此很自私用了自己的成長經歷,在香港生活這十幾年的領悟和感受,作為創作藍本。

今晚軒仔特意請來王菀、MIRROR成員陳卓賢及柳應廷做嘉賓,而觀眾席上則有谷德昭、MIRROR的呂爵安及ERROR成員193。

193與Edan在觀眾席欣賞演出。(林俊源攝) 谷德昭(藍衫)、193及Edan入場支持張敬軒。(林俊源攝)
隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受