娛樂
2022-10-05 16:17:03

側田極速再開show 網友再翻唾棄香港市場言論 小肥幫口出post解圍

分享:

側田極速再開show 網友再翻唾棄香港市場言論 小肥幫口出post解圍

出道一年就上紅館開show嘅側田,近年同香港市場「若即若離」,更搬咗去泰國生活3年。今年側田終於返香港簽唱片公司,8月仲喺會展開咗2場音樂會。話口未完,側田宣布會喺11月舉行音樂會part 2,亦有報導指有關方面已經幫佢入紙申請紅館。

全力回流之際,有網友翻舊帳,指側田曾經喺2010年一次訪問入面,直言喺香港做歌手好難賺錢,更指寧願「在北京當個三線歌手,肯定比我現在賺的多十倍。我不明白為什麼還有人覺得香港市場重要」。而家側田再喺香港開演唱會,當然被網民寸,甚至話難怪阿田之前喺演唱會自爆有「家族遺傳性失憶症」!

側田極速再開show 網友再翻唾棄香港市場言論 小肥幫口出post解圍

小肥:當時側田女友身在北京

同樣以唱功見稱嘅歌手小肥,就喺facebook出post幫手護航,解釋當年側田離港上北京生活,主因係愛情大過天。「佢當時決定去北京發展,其中一原因,係因為當時女友身在北京,願意以嫁雞隨雞心態離港往京。其二心灰原因,他口中所說厭惡的,並不是香港歌迷,是大家看不到卻又一聽即明的隱藏遊戲規則。」

呢幾年多返人聽廣東歌,個市先好返啲,但捱過早幾年低潮期嘅小肥,亦明白側田點解心灰意冷。「做人公道點,他決意要去北京發展的時間,是在2019年前大概2015年左右;在那時,有哪個人會留意香港的廣東歌樂壇?有!不過不多,大家當時都嚷著香港樂壇已死……為何有心灰的念頭?我真的明」。

原文刊登於 Yahoo娛樂LOL,am730獲授權轉載

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受