娛樂
2022-05-24 16:07:58

金曲頒獎禮|陳卓賢冇留意MIRROR不入圍 Ian有冇入圍都會迫自己進步

分享:

MIRROR成員陳卓賢(Ian)擔任信用卡代言人,今日出席銀行舉行的發布會,分享使用信用卡的心得。活動後Ian受訪時表示不會碌爆卡,自己一向準時找卡數。他又透露有為媽媽開附屬卡,「但媽咪唔捨得用,我送禮物、畀家用同請食飯,佢都唔想收,又擔心我唔夠錢用,叫我留俾自己用。」早前Ian在IG貼出與母親的合照,陳媽媽被擠得面容扭曲,問他會否引來母親微言,他笑言媽媽昨日才發現,「以為媽咪會怪責他,搞到佢面容扭曲,佢話點會嬲,好開心見你咁錫媽咪。」母子互動,非常sweet。

望演唱會加場 

距離MIRROR演唱會尚有兩個月,Ian表示已開始籌備個人表演環節,預先做好幕後編曲,但團體表演則尚未開始排練,他透露今年打算推出5首單曲,當問到會否在演唱會唱新歌?他大賣關子:「總之演唱會有新嘢帶俾大家!」對於演唱會一票難求,Ian首先多謝大家支持,並呼籲大家不要買黃牛,惟有寄望公司加場讓更多人有機會欣賞,他也不反對實名制,但擔心專屬Fans Club場會令非會員難受守惠。

Ian表示無論有沒有入圍獎項,MIRROR12子都會不斷追求進步。(蘇文傑攝) Ian預告MIRROR演唱會將有驚喜給大家。 Ian擔任Citi The Club信用卡代言人。(蘇文傑攝)

被指炒襲 有少少唔開心

香港電台與無綫電視(TVB)聯合舉辦《香港金曲頒獎典禮2021/2022》,MIRROR未有入圍角逐「香港金曲年度最佳進步獎」獎項,Ian坦言沒有特別留意,並沒有緊貼頒獎禮入圍名單:「對MIRROR嚟講有冇入圍某啲獎,都唔會影響繼續好專注做自己要做嘅事,都會不停迫自己進步,因為以前比賽已訓練求進的心態,每日都有新工作應付,迫自己好過昨日。」

Ian新歌《Got U》早前被指有抄襲Jay Park(朴宰範)新歌《GANADARA》(Feat. IU)之嫌,他坦言有少許不開心,所以也有在IG上載早已錄好的demo,「我覺得完全唔似,其實曲風、251 Progression好多歌都會用到,結他彈法等等都係好common,希望大家細味旋律,會唔會抄襲睇旋律可能會準確啲。」

 

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受