娛樂
2022-08-17 09:00:00

王嘉儀加盟Juno唱片公司 新歌《自然變態》MV挑戰飛車跳舞

分享:
王嘉儀在新歌《自然變態》MV中首度跳舞。 不懂駕駛的王嘉儀在新歌《自然變態》MV中挑戰自己玩「飛車」。

去年中加盟Juno唱片公司幻・國文化唱作女歌手王嘉儀(Sophy),於疫情期間特地飛往台灣錄製首支派台歌《自然變態》,她更在MV中首度跳舞和飛車,希望為大家帶來超爽快感,她表示,「我哋身處變幻不安嘅時代、環境,希望訢歌可俾大家一種好自由、好爽的感覺,也可帶力量俾大家。」

 

擁抱不正常世態

《自然變態》由Sophy作曲,結合Disco及House元素的輕快舞曲,找來曾在大館《留念》音樂製作計劃合作的周耀輝填詞,獲殿堂級詞人加持,Sophy坦言十分鍾愛耀輝的意念,「耀輝用一個宏觀角度講何謂『變態』,好喜歡佢呢個從『變』講到『變態』嘅概念。其實好多我哋視為唔正常甚或變態嘅事情,又或者變幻本身呢件事,都係自然嘅一部份,擁抱呢啲變幻、唔正常,或者社會覺得變態嘅事情,係一種好有力量同解放嘅心情。」

Sophy自言找了一班「古靈精怪」的朋友拍MV。 王嘉儀特地往台灣為《自然變態》錄音。

靠「古靈精怪」朋友  釋放自己

Sophy選擇飛到台灣錄音製作新歌,她形容能在疫情之下去台灣錄音是一件非常幸福的事,「可以喺台灣同唔同音樂人合作,喺佢哋身上學到好多唔同東西,擴濶我視野後,返嚟跟香港音樂人合作,可令今次專輯更多元化,秉承自己做音樂嘅精神。」MV方面,今次Sophy找來一班她形容為「古靈精怪」的朋友參與其中,讓她盡情釋放自己,透過跳舞表達內在情緒,「始終係一首舞曲,所以將自己以前從未展現過嘅面向俾大家睇。其實每一次做新Project都希望挑戰自己,而隨住《自然變態》嘅音樂郁動我嘅身體,是很自然的事情,希望大家會有新鮮感,會覺得我郁得夠自然夠好睇。」除了跳舞,不懂駕駛的Sophy更要在MV中「飛車」!Sophy笑說:「場景同歌曲係非常吻合,但本人係冇揸車,係幾需要豁出去同埋有膽量去做嘅嘗試,不過最緊要拍出嚟好睇同進入到呢首歌嘅音樂世界。」

《我是現場》與陳柏宇限定合唱

 除了忙於新歌宣傳,Sophy亦全情投入月尾《FWD 富衛保險呈獻“我是現場” 音樂會005 陳柏宇 x 王嘉儀》的綵排。談到與陳柏宇(Jason)在音樂上的交流,Sophy大表雀躍:「我同Jason及團隊都有好多唔同諗法,特別加插合唱環節,專程為今次《我是現場005》重新編曲,其間限定只此當晚,有啲本身係合唱歌,亦有一啲係其他歌手嘅獨唱作品改做合唱,係我自己都十分期待呢!」

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受