娛樂
2022-03-18 14:59:17

飯戲攻心|陳湛文最恨跟廖子妤演情慾戲 導演陳詠燊大讚黃子華: 前所未有咁好

分享:
《飯戲攻心》導演陳詠燊與陳湛文為節目《月傾會》任嘉賓。

《飯戲攻心》導演陳詠燊與陳湛文為節目《月傾會》任嘉賓。

網上平台BOX channel節目《月傾會》,最新一集請來《飯戲攻心》導演陳詠燊及演員陳湛文任嘉賓!原先賀歲檔的《飯戲攻心》,戲院因疫情被逼停開,如今上映無期,被問到會否放上網上平台播放?

導演陳詠燊表示要捍衛戲院,「其實我Day 1寫呢個劇本唔係為咗賀歲!我哋覺得呢套戲好適合喺戲院好大班人一齊睇,始終喺電視機睇同喺戲院睇好唔同,我哋好想捍衛返戲院,因為我覺得戲院係一個文化嘅殿堂!」

而問到憑《IT狗》男B一角大受歡迎的陳湛文,初嘗爆紅滋味有何感覺?「我會話係有少少守得雲開!因為經歷過《三夫》我又唔會期望太大,我本來真係覺得你哋都應該唔記得我㗎啦!」

其後導演陳詠燊再被問合作過最好及最難頂的藝人?合作最愉快,導演秒答:「子華,一來我係好愛佢啦,佢係我偶像;第二係成個合作過程個默契,好到我前所未有咁好呀!」

最難頂,「唔開名啦,編劇年代,我嗰陣時拍好多愛情喜劇,好多係年輕偶像,其中有一個,同佢傾戲嘅時候掛住玩啦,拍完又喺度扮晒嘢,其實喺嗰班好紅嘅年輕偶像嚟講,佢係最唔紅嗰個!」導演更坦言是一位男明星:「佢依家偶爾會有一啲新聞㗎,但係都唔會點樣出現㗎喇!」

問到陳湛文,有冇遇過合作演員令他很難受?他就表示曾經遇上一個資深男演員,「嗰個難受唔係對我侮辱,而係覺得佢唔尊重演員呢一份工作,因為佢埋親位都飲到成身酒氣,台詞又唔記得,仲要導演叫佢唔好咁做,佢呢頭話好、冇問題,嗰頭又做返!」陳湛文更開估所提及的是P字頭男星,「佢本身來自電影,仲要係資深㗎!」

再問陳湛文,如果再拍《三夫》,想找那位女星跟他演情慾戲?「廖子妤吖!因為我最近睇咗佢《半》個MV,拍得好靚,同埋佢拍呢啲嘢都幾手到拿來!」

導演陳詠燊大讚黃子華是他合作最愉快的演員

導演陳詠燊大讚黃子華是他合作最愉快的演員

原本是賀歲檔期的《飯戲攻心》,因疫情影響上映無期。

原本是賀歲檔期的《飯戲攻心》,因疫情影響上映無期。

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受