娛樂
2022-11-23 18:15:00

法證先鋒V|鄭俊弘被黃宗澤洪永城封「祖先」 戲份愈來愈少最後仲死埋

分享:

《法證先鋒V》劇照

TVB台慶劇《法證先鋒V》正熱播,而《法證先鋒》系列亦係TVB皇牌,過往多輯都大受歡迎,但於劇情角色方面就未有太大關連,每次亦都大換血,除咗鄭俊弘。鄭俊弘其實有份參演過往多輯《法證先鋒》,只有《法證先鋒III》冇佢份,不過就被批戲份愈來愈少,去到噚晚嗰集《法證先鋒V》仲要自殺身亡。

鄭俊弘出演第一輯《法證先鋒》時僅23歲,於劇中飾演蒙嘉慧細佬,任職技術員;而第二輯亦延續蒙嘉慧細佬身份,直至第四輯以全新角色湛霆參演,並升職為鑑證主任。而是次鄭俊弘於《法證先鋒V》與上輯一樣,飾演鑑證主任,同時又係黃宗澤下屬兼徒弟,不過對白依然唔多,仲於第6集被高級化驗師張Sir(高鈞賢)製造虛假證據陷害,富太被殺案中犯人陳少邦出獄後對法證部提告,最後鄭俊弘因過於自責而輕生,只得7集戲份。

鄭俊弘由23歲演到39歲,係《法證先鋒》大前輩。日前與《法證先鋒V》同劇演員黃宗澤、袁偉豪、蔡思貝、洪永城、蔡潔、王敏奕等出席記者會,就被取笑係祖先。當時《東張西望》正訪問一眾演員,問及大家有冇叫鄭俊弘做「大師兄」,黃宗澤笑指:「佢唔係大師兄,佢直情係前輩。」;洪永城亦加入討論,表示:「唔係祖先咩?」;坐喺旁邊嘅鄭俊弘未有搭話,只係視線游離及露出笑容,認真戥佢尷尬。

《法證先鋒V》劇照

《法證先鋒IV》劇照

《法證先鋒II》截圖

《法證先鋒》截圖

原文刊登於 Yahoo娛樂LOL,am730獲授權轉載

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受