娛樂
2022-10-05 16:09:00

網民列30大香港「年過50美魔男星」張智霖排名惹網民爭議 第1名75歲卻實至名歸?

分享:

網民列30大香港「年過50美魔男星」張智霖排名惹網民爭議 第1名75歲卻實至名歸?

男人年過半百唔一定麻甩又有大肚腩,相反如同女性一樣,可達凍齡之貌;然而,香港中年男演員或歌手中,有誰保養得宜,被指是美魔男?有網民於討論區以「嚴選三十大超過50歲但keep得好嘅香港男星」為題,列出30名美魔男星,但名單當中,有網民表示唔相信某些藝人入選。一齊睇吓上榜嘅男藝人又係邊個?

第30位:甄子丹(59歲)

甄子丹去年分享近照時,同時貼出自己17歲嘅照片,兩者都係著上相近外套擺返同樣姿勢,被網民大讚無變化:「丹哥,能教一下髮際線為什麼能後移得那麼慢嗎?」唔知係咪因為佢從小能文能武有關?

第29位:張智霖(51歲)

51歲張智霖未見半點老態,被譽為「不老男神」;不過呢次排名29就惹網民爭議,認為張智霖Keep得咁好竟然排29,前面28位一定會畀人話。

張智霖

第28位:曹永廉(57歲)

有網民覺得曹永廉外貌較成熟,但去到呢個年紀反而顯得更後生,就連蕭正楠拍攝《兄弟姐妺去旅行》嗰陣都曾指曹永廉:「凍齡人係應該唔怕凍!」

第27位:李克勤(54歲)

網民認為李克勤所分享嘅照片大部分都有P圖,所以睇起嚟自然年輕,而無P圖時就好殘,仲話睇條頸已經fail。 

第26位:張兆輝(59歲)

網民認為張兆輝有型過後生,唔似真實年紀。

第25位:歐瑞偉(60歲)

60歲歐瑞偉當年係做龍虎武師出身,曾於《愛·回家》真人上演前空翻,有型又打得。

第24位:黃德斌(59歲)

黃德斌拍攝《大叔的愛》被讚係「最型大叔」,佢曾接受鄭丹瑞(阿旦)主持的YouTube節目《健康旦》訪問分享養生之道,坦言最常做嘅運動係跑步,並且茹素,每朝起床後會食用一大堆唔同品種嘅菜、生果,再加些蛋白粉、芝麻、黑豆粉。

黃德斌

第23位:鍾鎮濤(69歲)

鍾鎮濤(B哥哥)曾分享指自己僅用清水洗臉及使用護膚品達凍齡之效,不過有網民就指唔掂。

第22位:林文龍(54歲)

林文龍多年來無論樣貌和身材都無太大變化,與太太郭可盈被稱「凍齡夫婦」,網民更指林文龍好靚仔。

第21位:關禮傑(60歲)

關禮傑眼大有神,但有網民表示見過真人較上鏡顯老:「見過好多次勁瘦同都幾寒背下」。

第20位:林韋辰(60歲)

網民大讚林韋辰保養得宜,完全唔似60歲,反而似40中佬;而佢保養方法就係每日做帶氧運動。

第19位:黎明(55歲)

內地央視節目《這YOUNG的夏天》曾播出黎明昔日片段及近照,網民大讚黎明保養得好好。

第18位:劉德華(61歲)

劉德華排第18位,但有網民指劉德華嗰樣其實同後生已經差好遠,踏入60歲後更暴瘦,老咗唔少。  

第17位:鄭伊健(55歲)

鄭伊健《古惑仔》「陳浩南」成為他最經典演出之一,網民指佢連外貌都停留喺《古惑仔》年代:「佢連紋都好似無,面又唔乾」。

第16位:張衛健(57歲)

張衛健被指外貌及身材十年如一日,係個不老男神。

張衛健

第15位:張耀揚(59歲)

網民指雖然張耀揚白髮斑斑,但係老得型。

第14位:許志安(55歲)

55歲許志安排第14位,自2019年「安心偷食」事件後一直處於停工狀態,直至今年3月加盟環球唱片正式回歸樂壇。

第13位:杜德偉(60歲)

杜德偉於內地節目《披荊斬棘的哥哥2》被大讚凍齡,唔似60歲;杜德偉就於小紅書上公開保養方法係遠離濕氣,從來唔飲冷飲,盡量隔日做運動。

第12位:呂頌賢(56歲)

呂頌賢曾參演《笑傲江湖》,被封史上最靚仔令狐沖,又被指外型似山下智久,雖然呂頌賢現時有唔少魚尾紋,但仍然保持靚仔模樣。

第11位:梁朝偉(60歲)

梁朝偉排第11位,但唔少網民表示唔同意,留言:「成個阿伯樣出咗嚟喎,歲月不饒人」、「佢個樣成日都好無奈咁」、「對眼已經開始dup落嚟」等等。

梁朝偉

第10位:張學友(61歲)

「歌神」張學友有一張凍齡臉,亦能保持健美身材,網民大讚:「老左型過後生系列」。

第9位:單立文(63歲)

豹哥單立文曾分享自己攞咗樂悠咭,係長者一名;不過網民認為佢仲係好靚仔,一點阿伯味都無。

單立文

第8位:呂良偉(65歲)

呂良偉保養得宜,排第8位,但有網民話佢真人勁老。

第7位:任達華(67歲)

任達華帶有一陣佬味,老得有型。

第6位:苗僑偉(64歲)

苗僑偉(三哥)即使已「登六」,但散發出一份成熟穩重男人味。

第5位:郭富城(56歲)

網民大讚郭富城屈機:「後生就偶像級數,老左就變型佬」。

郭富城

第4位:黃子華(62歲)

黃子華排第4位,但網民認為黃子華嘴角紋好顯老。

黃子華

第3位:古巨基(50歲)

因古巨基與孫中山樣貌相似,網民於是開玩笑放出孫中山年輕時照片。

古巨基

第2位:周潤發(67歲)

喜歡行山嘅周潤發(發哥)排第2位,未知行山係咪佢凍齡方法之一?

周潤發

第1位:鄭少秋(75歲)

網民認為鄭少秋(秋官)絕對值第1位:「好似50幾年前已經係咁嘅聲線同樣貌,呢個真心第一」。

鄭少秋

原文刊登於 Yahoo娛樂LOL,am730獲授權轉載

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受