娛樂
2022-11-24 01:33:25

保錡@ERROR新歌獲何啟華操刀將負評化成rap詞 強尼客串MV力撐:佢變沉實咗(有片)

分享:
何啟華為保錡新歌唱rap,直言「一世人兩兄弟,有你有我」。

何啟華為保錡新歌唱rap,直言「一世人兩兄弟,有你有我」。

試過推出兩首兵歌《猥瑣》及《羅曼蒂克衰亡史》後,吳保錡(Poki)搖身一變成為J-Rock樂隊主音,演繹RockBand SoundAm I Crazy?》,新歌由Jason Kui監製,走J-Rock路線,更有ERROR隊友何啟華(Dee)助攻填唱rap的部分。新歌圍繞Poki對音樂和夢想的追求。Poki道:「我好努力搞笑,做俾大家睇,我亦知道觀眾最想睇我搞笑,但我都好想做到好音樂俾大家聽。我自己本身好鍾意X JAPAN,好鍾意搖滾樂,做咗兩首情歌,今年第3首歌希望話俾人聽,我唔係淨係做到情歌,好硬橋硬馬嘅嘢,我一樣做到。」《Am I Crazy?》道出Poki堅持做音樂的心路。

吳保錡與阿Dee在MV中,以J-Rock樂隊造型登場。 阿Dee估不到自己也能carry到 Rock 友造型。 視樂隊X-Japan為偶像的保錡,在新歌《Am I Crazy?》中如願唱J-Rock。

將保錡網上負評化成rap詞

為了令歌曲更見立體,Poki找來好兄弟阿Dee為他rap兩咀,向來重義氣的阿Dee二話不說就答應,他笑言,「音樂上我冇乜追求,今次當然係撐兄弟,難得Poki邀請我。」做兄弟有今生無來世,阿Dee更瞓身幫手寫rap詞,他憶述創作過程,說:「藝人喺演藝呢條路上充滿批評,好多負評係基本,所以填詞人T-Rexx問我會唔會攞網上嘅一啲好難聽嘅字眼,或者係對Poki嘅意見、批評,寫成rap詞,同歌曲內容做成對比。」阿Dee更與PokiMV中化身J-Rock Band友,他坦言感覺新鮮,亦相當滿意,「除咗出Show之外,我平時唔會著呢啲皮褲皮褸,發覺原來都好好睇,可以Carry到。」

強尼見證著保錡成長,是對方的訴心事對象。 網紅JFFT為保錡新歌MV客串。 《造星》師妹許寶恆亦有參演,飾演狂鬧Poki的女友。

許寶恆與網紅JFFT齊客串

新歌既有Rock爆的夾Band場面,亦有搞笑的劇情,當中有強尼、許寶恆(Alice)及網紅JFFT客串演出。Poki直指強尼是演老闆的不二之選,「強尼大哥超級好,睇住我出道,到而家可以邀請佢拍MV,係一個好感動嘅事情。」強尼見證著Poki的成長與轉變,特別感動,「人要經歷下高低,而家先至顯得可貴。我多同Poki一齊做嘢,呢幾年佢有變化,FeelPoki而家會識珍惜工作、機會,人變得沉實咗。」Poki也感激道:「以前有唔開心都會同佢分享,以前唔成熟,今次推出到呢首歌,係有前因後果。《Am I Crazy?》裡面請唔同人嘅參與,都係有原因。」JFFT則為Poki扮演搬運工人,床哥@JFFT說:「直播時已講過如果拍MV一定要搵我哋做,到真係搵我哋時,起初以為佢亂噏,因為之前上去我哋個Channel直播都搞咗一年先成事,所以起初話拍MV都以為佢亂講。」經過今次合作,Poki即要求JFFT下次若拍MV也要找他演出,床哥即說:「放心,我哋對上一個MV7日破百萬,腳頭好!」眾人更約好要食自助餐慶功。至於Alice則在MV扮演Poki女友,兩人沒有親熱戲,Alice要不斷罵Poki,「我要瘋狂諗Poki嘅缺點。」

《明星生活ERROR Live Show 2022》是ERROR出道4年的總結。 兩人不介意在ERROR Live show中,以rock友造型登場。

出道4年  開騷作總結

除了忙著歌曲宣傳及拍劇,Poki ERROR幾位兄弟一同籌備將於121618日於九展Star Hall舉行的《明星生活ERROR Live Show 2022》。相隔3年再次開Show,更由1場變3場,Poki與阿Dee可有票房壓力?Poki直言,「票房唔擔心,因為得咁少位,比較擔心大家撲唔到飛嘅情緒,令到Fans唔開心,我哋最唔想,希望黃牛高抬貴手。」至於表演內容可會像上次演出般包羅萬有,將會是ERROR過去4年的總結,阿Dee補充道:「我哋儲咗好多經歷,有好多嘢想同大家分享,但以乜嘢形式,我哋仲掙扎緊,因為實在有太多方法,但我哋總係追求最完美最好效果俾大家睇到,唔想嘥咗大家辛苦撲返嚟嘅門票,然後最後攞住𠝹𠝹櫈,但我哋太多趣聞。」PokiDee笑言,如果《Am I Crazy?MV反應好,他們絕不介意以MV中的Rock Star造型站舞台。

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受