娛樂
2022-10-07 20:04:05

58歲鄭浩南自爆一無所有 戴婚戒哽咽:冇咩值得慶祝

分享:
58歲鄭浩南自爆一無所有 戴婚戒哽咽:冇咩值得慶祝

鄭浩南早前自爆婚變,表示已一無所有。

現年58歲的鄭浩南與第二任馬來西亞藉太太鮑愛玲(Elyn)結婚已有20年,二人育有一對仔女,大女現年17歲,細仔則是10歲大。早前鄭浩南與太太婚變,自爆去年12月返回大馬時,發現家中已人去樓空,太太更叫他「有乜就同佢律師講」,並暗示太太有第三者。昨日,是鄭浩南的58歲生日,他在抖音拍片表示:「祝我生日快樂!今天首次公開一些事情,謝謝大家的關心!我會越來越好的!多謝!#生日快樂

片中,見婚變的鄭浩南在左手無名指上依然戴著結婚戒指,並哽咽説:「今日係我生日正日,連續5日食咗好多餐飯。大前日有朋友請我食飯,噚日有朋友請我食飯,今日就係電影圈圈內嘅朋友,導演同老闆請我食飯,但我覺得真係冇咩值得慶祝,因為我係舊年已經係知道自己乜嘢都冇晒,包括我個女同我個仔」他強忍淚水續說:「但係唔緊要,我更加會珍惜,因為我身邊有班好好好好嘅朋友,同埋我有爸爸媽媽,佢哋非常健康,哥哥細佬,佢哋嘅屋企人非常健康,佢哋全部喺溫哥華,所以我唔會放棄,我祝我自己生日快樂,同埋祝大家身體健康,生活愉快。」網民見鄭浩南雙眼通紅,都紛紛留言送上支持,而據指鄭浩南所擁有的一切,包括物業、生意和車都在妻子名下,近日他亦回港拍攝電影《壹獄II劫數難逃》。

 生日戴婚戒哽咽拍片。 坦言冇咩值得慶祝。
隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受