Lucy放學返屋企一開始立即爆喊。
李璨琛的4歲囡囡李元元（Lucy）鬼馬又可愛，Lucy媽近年為囡囡開IG分享日常生活，Followers已多逾38萬，一舉一動都惹網民注意。
昨日，Lucy被媽咪拍下放盡喉嚨大喊一幕，並寫：「放學返嚟一開門見到老母即刻爆喊，老母心虛以為關自己事。原來係姐姐手快快撳咗佢長期負責嗰粒閂門掣。」而姐姐講完事發經過，亦顯得一臉無奈。雖然喊得相當淒涼，但竟然有多達5.4萬網民派like，比起平時的Post更加多like。
另外，眾所周知Lucy已加入成「賦二代」一族，相當喜愛張天賦（MC），對於偶像又有新歌，Lucy似乎都有狂煲串流平台冠軍歌《老派約會之必要》，見她開住電視機聽歌，Lucy媽就問：「咦LULU，呢個冇MC哥哥睇㗎喎⋯⋯」之後Lucy就答：「得㗎喇！而家咁樣淨係聽都得㗎喇⋯」單看歌曲硬照已相當滿足。
Lucy媽一度心虛以為關自己事。
Lucy最近都有開住電視狂煲MC新歌《老派約會之必要》。
「賦二代」Lucy早前與偶像MC拍廣告。
ADVERTISEMENT
立即更新 /下載AM730手機APP 體驗升級功能
