娛樂
2022-07-26 20:30:11

MIRROR演唱會|Do姐鄭裕玲分享睇騷感受 開心見證MIRROR變成Star

分享:
MIRROR演唱會頭獲不少星級好友支持。

MIRROR演唱會頭獲不少星級好友支持。

MIRROR首個紅館演唱會頭場獲汪明荃、鄭裕玲(Do姐)、趙學而、謝安琪及張繼聰一家、ERROR、COLLAR及P1X3L等到場支持。Do姐今日在其主持的電台節目《口水多過浪花》大談感受,她表示現場氣氛一流,並指昨日遲開場是可以接受︰「第一場通常遲,但合理嘅,一來實名制啦!」她又指進場見到紅館四面台都充斥著燈牌,氣氛非常好,並問坐在她身旁的ERROR成員肥仔(梁業)有沒有看過MIRROR綵排,肥仔透露看了一部份,並稱自己有份負責排舞。

Do姐對MIRROR的演出給予正評。

Do姐對MIRROR的演出給予正評。

即睇Do姐分享欣賞MIRROR紅館演唱會後感受

MIRROR演唱會 MIRROR演唱會 MIRROR演唱會 MIRROR演唱會 MIRROR演唱會 MIRROR演唱會 MIRROR演唱會 MIRROR演唱會 MIRROR演唱會

Do姐︰燈牌光到spotlight睇唔到

Do姐續說︰「開場好勁!好有型!哈哈!真係!一落布,12個男仔吊威也從天而降,全場嗌到爆晒,目不暇給!」她大讚柳應廷(Jer)唱得很好,亦點名讚Jeremy(李駿傑)表現很好,「我好喜歡佢,因為佢嘅妖艷形象鮮明,係香港少有。」她又提到現場的燈牌之多,令她感到好得意︰「當時姜濤出嚟,佢個主題原意係暗暗地,但周圍光到見唔到支spotlight,好得意,打落姜濤度完全唔覺有spotlight,可能花姐佢哋綵排嗰陣覺得好正,但周圍光得濟,係肥仔話我聽先知,但太光睇唔到。

Do姐讚阿Jer唱得好。 肥仔指姜濤原本有spotlight射住,但現場太光看不到。 Do姐表示現場很多燈牌,光到令她覺得「好得意」。

Do姐欣賞Frankie

Do姐提到很欣賞Frankie的獨白環節︰「自古有Boy Band一定有人會出啲,你會留意佢多啲,一定有人擺得後啲。Frankie喺MIRROR入面後少少嘅,佢講嗰段說話好heart warming,佢都講到眼濕濕,疫情冇工開,好懷疑自己,佢將自己心聲講出嚟。我覺得支持一個組合,一定要人人都要咁愛,大家都要鼓勵佢。」她又提到Edan執生環節,原來Do姐以為Edan借壞咪做棟篤笑是流程之內,其後從肥仔口中才得知真的是出了問題,並大讚Edan很有觀眾緣。

Frankie的獨白觸動了Do姐。

Frankie的獨白觸動了Do姐。

讚AK、Lokman及Alton表演環節

Do姐表示AK、Lokman及Alton的歌舞環節很精彩,又大讚Anson Lo的二頭肌很吸引,並表示很欣賞其餘成員會玩不同樂器。之後,她回想MIRROR當初出道,開心可以目睹MIRROR的成長。她說︰「我好開心自己目睹呢件事,就係呢10幾個男仔,由唔知自己係點,到年5月開始成形,開始有信心喺Star Hall表演,到噚晚已經充滿信心,已經變成Star,呢個轉變我有機會目睹,好開心希望佢哋愈做愈好,嚟緊仲有10幾場,希望多啲人睇。

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受