Ad Block Ad Block
娛樂
2023-03-20 13:35:00

中年好聲音|酒店廚師連奪5個歌唱比賽冠軍 顏志恆擁幸福家庭太太一樣唱得

分享:
顏志恆(Benson)

顏志恆(Benson)為酒店廚師。

《中年好聲音》有唔少參加者都有幕前經驗,甚至出過唱片,不過黑馬之一顏志恆(Benson)本身係素人出身,但係以《一首歌一首故事》參加首輪比賽,就被評審之一伍仲衡盛讚難得冇原唱者譚詠麟嘅味道,張佳添更直指顏志恆係黑馬。果然Benson真係入到十強,仲被稱為「浴室歌王」!

中年好聲音︳酒店廚師連奪5個歌唱片賽冠軍 顏志恆擁幸福家庭太太一樣唱得

中年好聲音︳酒店廚師連奪5個歌唱比賽冠軍 顏志恆擁幸福家庭太太一樣唱得

 

顏志恆同太太有2個寶貝仔(IG @ nchbenson)

顏志恆同太太有2個寶貝仔(IG @ nchbenson)

顏志恆成長於單親家庭,父母早年離婚後同媽媽生活,曾經十分怪責爸爸,但某日回家見姐姐痛哭,先知道爸爸離世。顏志恆最心痛係爸爸在世時冇陪過佢,而且兩父子一張合照都冇。已成人父嘅顏志恆而家更體會到爸爸當日被兒子忽視嘅傷痛,更令佢感到遺憾。

中年好聲音|5.13九展開騷 吳大強唔介意同吳偉豪一齊拍戲

中年好聲音|吳大強表現遭郭偉亮狠批 涂家堯含淚重提離婚傷痛感動觀眾

中年好聲音|梁浩銓曾欠債瞓快餐店被家人趕出門 憑勤力唱到紅館

廚師就梗係要示箱「教煮」啦

廚師就梗係要示箱「教煮」啦

熱愛唱歌嘅Benson曾經參加過歌唱比賽,包括TVB當年搞嘅新秀歌唱大賽,但係連複賽都入唔到,於是放低歌唱夢。後來Benson成為廚師,喺酒店工作時認識太太Fion,被對方鼓勵參加歌唱比賽,終於肯「出山」。而Fion更加為老公一次過報咗7個組別嘅比賽,結果拎到5個冠軍2個亞軍,從此再次燃起對音樂嗰團火,3年前更加同朋友組成歌唱團體,同其他民間好歌之人一齊交流。令顏志恆再次追夢嘅Fion本身都好唱得,試過跟音樂人Chris Polanco嘅和聲片合唱放上IG,十分有水準。

Ad Block

因為係廚師,顏志恆參賽後曾經為節目拍過煮食示範片段,的確有板有眼。而家參賽之餘仲要應付廚師工作,湊仔同家務交由太太幫手,甚至出show整燈牌都係太太搞掂,難怪顏志恆喺比賽嗰陣含淚感謝太太。

原文刊登於 Yahoo 娛樂圈

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受