Ad Block Ad Block
娛樂
2022-05-22 16:04:23

何韻詩開live獻唱為黃偉文慶生

分享:

何韻詩表示網上音樂會原定在5月10日舉行,但因為發生了很多事而改為Wyman慶生。

何韻詩日前被國安處以涉嫌「串謀勾結外國勢力或者境外勢力危害國家安全」拘,保釋後宣布於21日舉行網上音樂會,並謂「環境再壞,仍要做好自己、繼續好好生活」

昨晚何韻詩在胞兄何秉舜伴奏下,唱出21首黃偉文(Wyman)填詞的作品,藉此慶祝對方生日,包括為她填詞的《未來》、《勁愛你》、《露絲瑪莉》及《勞斯.萊斯》等,她也有唱出Wyman其他歌手創作的作品︰《勁浪漫超溫馨》、《燕尾蝶》、《女神》、《命硬》及《給十年後的我》等身在德國的Wyman,在IG限時動態分享自己在咖啡店用手機收看阿詩的網上音樂會。

身在德國的Wyman用電話看直播。

讚Wyman是詩人

何韻詩在演唱前表示,事前花了三個多小時重溫十年前Wyman在紅館舉行的作品展,並指在選歌的過程中,是歌曲呼喚她而非她選歌。她又說到︰「尤其是以下幾首歌,覺得講咗好多我哋大家喺呢十年入面,可能本身當中有啲歌講緊第二啲嘢,但一份好嘅詞正正可以穿越時空,當世界已經變咗另一個模樣時,佢依然都係可以……好老土,歷久常新。唔容易做到,真係好唔容易,一份文字藝術品,我哋香港有呢位咁叻嘅詩人,係好幸福嘅事,我尤其啦,因為佢幫我寫過好多好多屬於我嘅歌。

何韻詩︰冇諗過香港會變得咁緊要

何韻詩唱畢《青春常駐》後,感慨說到︰「我希望向YY送上一個最衷心祝福,亦都有好多好多可能因為唔同原因,已經冇辦法再聯絡嘅朋友,我喺度祝福每一個曾經喺我哋生命入面出現嘅過路人,無論佢係仍然可以陪住你一路行,或者曾經喺某段日子,我哋已經唔能夠再攜手行落去,我都真係衷心希望每一位都過得好好。」

她續說︰「人生就係咁,喺呢十年入面,真係冇人有諗過香港會變得咁緊要,十年前嘅我哋喺2012年,邊個會諗到去到今日會咁樣呢!正如十年前冇諗過今日會變成咁,我哋亦都唔會知道十年後係一個點樣嘅世界。所以,借助今日(21)壽星仔喺ig一個po都有講呢句說話,有啲嘢真係冇諗過能唔能夠捱到十年、十五年、廿年,有啲嘢係得嘅,所以我哋繼續做每一個人相信嘅嘢。她又希望在適當時候再推出由黃偉文和何秉舜創作的作品

阿詩在音樂會上又著大家不用擔心,她感到快樂,又稱「人生最快樂,係你行每一步,都係好穩、好堅定,知道自己做緊乜嘢,而係無悔!

何韻詩在網上音樂會一度感觸落淚。

請接受以下私隱政策及免責聲明,以示你同意am730內之私隱政策及免責聲明。了解更多
接受