孫慧雪家中的工人姐姐來了兩星期，最後受不了其行為而辭退對方。
孫慧雪昨日在網上出po求救，表示請來的工人姐姐放假玩至凌晨2點半多仍未回家，問網民可以怎樣辦，到最後她在網上透露對方喝至酩酊大醉，直到清晨6點幾才回家。阿雪於中午12時出po，表示自己洗完碗、餵完小朋友吃東西，在11點才叫醒姐姐，對方表示「我唔舒服咪唔返嚟囉！」於是決定炒掉對方。
首日失聯唔洗衫
阿雪其後寫下這位新來姐姐自報到以來發生的事，不少網民大讚「經典」，就連吳若希亦建議她向入境處匯報事件，將她列入黑名單。她表示姐姐初來報到當天失去聯絡，對方事後表示因為有前僱主和她舉行farewell派對而失蹤。姐姐上班之後，阿雪發現家中的洗衣籃滿瀉，問對方是否不會用洗衣機的時候，對方跟她說︰「我識呀，已經幫自己洗咗幾機衫。」然後她才發現家中掛的衣物全屬姐姐。
提早收工放假玩至夜晚11點
這位姐姐向阿雪要求每晚要有自己的「me time」做運動，她說︰「唔緊要，但係佢晚晚一早就自己收工，唔會再幫手，然後攞瑜伽蓆，換晒full set運動衫，做瑜珈！跟住又係洗自己啲做完運動嘅full set運動衫唔係我哋啲衫⋯⋯」她又提到姐姐在面試時，表示自己很內向，只會躲在家中，除非有緊要事才外出，下午兩、三點便回家，沒想到對方在首個放假日玩至晚上11時，最後對方更表示「我鍾意匿喺男朋友屋企，可能我幫慣外國人做嘢囉，同你地style唔同。」
阿雪發現工人一直沒有洗他們家人的衣服。
首日上班推窗落街
及後，這位姐姐表明自己「做唔晒啲嘢」，著阿雪請多個姐姐的時候，會跟對方協調如何做她家中的家務。阿雪謂︰「其實我屋企只得我、老公同小朋友，小朋友已經盡量自己湊，接送都係我同老公，有家教老師喺度嘅時候，佢都唔幫我哋執床，自己去咗me time。」但數到最誇張的是「第一日入屋，佢用神力推咗我屋企隻窗落街！！！！真係非常好彩係，無傷到人！！！之後佢同我講，隻窗係自己跌咗落街！（註：隻窗喺工人房）利申：我哋屋企係新裝修，仲要有驗窗，可能係之前啲姐姐整鬆咗，都唔可以完全怪晒佢嘅！不過係我人生入邊一件好難忘嘅事！」
中介勸喻無效
阿雪表示這位姐姐來到只有2星期，中介公司也有嘗試幫他們勸喻對方，她坦言「最慘係請姐姐冇試用期，一俾咗中介費，唔啱都冇得返轉頭。」有網民著她不要心軟，並提醒她小心工人姐姐有天跟她說大肚，令她不能辭退對方，阿雪答說︰「經歷令我學識唔會再心軟。」並坦言因為太心急請姐姐而出事。
阿雪表示自己心急請姐姐而出事。