Ad Block Ad Block
娛樂
2022-05-18 12:29:40

熊黛林減肥法 睇吃播心情治癒當食咗

分享:
熊黛林公開減肥法

熊黛林再度獲邀擔任醫學美容中心代言人。

熊黛林(Lynn)再度獲邀擔任醫學美容中心代言人,早前於影樓拍攝了一系列宣傳照,穿上多套以白色為主調的服裝,大騷完美身段。貴為人母的Lynn仍保持最弗狀態,她笑說:「以前有大job都會做gym、減肥,因為呢輪太忙喇,媽咪又返咗南京同埋屋企又少咗個工人,兩個女又好黐我,我所有嘢都鍾意落手落腳做,所以好忙。我連減肥做gym練吓腹肌都唔得,可能平時湊B嘅時候已經鍛鍊咗,當做運動,做返運動個人會健康啲、舒服啲。」

原來Lynn也有一些瘦身小秘技,她表示:「因為之前夜瞓,所以我有食宵夜嘅習慣,生完之後身體係有少少唔同嘅,例如以前夜晚食幾多都唔會肥,生完之後,食得太飽會胃酸倒流,又會肥啲,真係唔同,所以真係要戒,唔食宵夜,當肚餓嘅時候唔好自己食,要睇人哋食,睇人哋食嘢嘅片,見到好開心就等於食咗,好過癮!哈哈…」要內外兼顧,除了節食,心態上也重要,Lynn說:「如果成日諗啲唔開心嘅嘢,會好攰,夜晚又瞓唔着,瞓唔着皮膚會唔好,又有黑眼圈,對身體唔好,係惡性循環嚟嘅。其實個人諗開啲,會瞓得好啲,皮膚靚啲,精神又好啲,係唔同嘅。」

 

Lynn也曾有迷失的感覺,目前已找回真正的自己。

Lynn也曾有迷失的感覺,目前已找回真正的自己。

家庭放第一位

 

Lynn曾有迷失的感覺,目前她已找回真正的自己:「之前因為BB細個,我都希望親自照顧佢哋,所以唔會有咁多時間去做自己嘢,要困喺屋企,包括夜晚出去食飯都唔會,冇乜私人生活,現階段囡囡開始返學,我開始有返自己私人空間,雖然返學只係得兩、三小時,我會趁呢段時間去做吓facial、做吓機、做運動,買吓自己嘅嘢,修身扮靚靚,做返自己做女嘅嘢,我都已經好享受,甚至乎趁呢啲時間出去做嘢,好開心!唔做嘢好似同社會脫咗節,之前兩、三年有少少冇自信,出返嚟工作,搵返啲自信!」今年Lynn拍了多套電視劇,又接拍了多個廣告,要家庭事業兼顧,多得老公支持,不過她始終會將家庭放在第一位,不會因工作離開屋企太長時間。

Ad Block
今年Lynn拍了多套電視劇及接下不少廣告,多得老公一直支持。

今年Lynn拍了多套電視劇及接下不少廣告,多得老公一直支持。

請接受以下私隱政策及免責聲明,以示你同意am730內之私隱政策及免責聲明。了解更多
接受