Ad Block Ad Block
娛樂
2022-07-07 11:53:01

童時愛上你|糖妹爆喊戲獲讚演技自然 努力工作供細佬英國讀書

分享:

《童時愛上你》糖妹

由高海寧、張振朗、陳展鵬及糖妹(黃山怡)主演嘅TVB劇集《童時愛上你》正在熱播中,劇情主要講述富家女雷紫彤(高海寧飾),因意外由女強人變回得八歲智商,仲同「Ding哥」丁宥迎(張振朗飾)假結婚做掩飾,而糖妹喺劇中就飾演馬來西亞華僑馬來雅,係彤彤嘅網上好友兼KOL Ding哥嘅粉絲。糖妹登場後,唔少網民都認為佢演技不俗又自然,紛紛留言大讚。

糖妹飾演嘅馬來雅,得知Ding哥需要錢時,佢就即刻借出50萬港幣俾佢應急,其後佢隻身嚟香港。之後,馬來雅提起自己借過錢俾Ding,不過Ding就即時否認。原來馬來雅係將錢俾咗Ding哥細佬丁宥基(關曜儁飾),知道真相後佢即時崩潰爆喊。唔少網民睇完都紛紛留言大讚佢演技不俗、順眼及喊戲情緒控制得宜等等。

獲網民大讚唱功

除咗演技獲得讚賞之外,糖妹早前以表演嘉賓參與其中一集《聲生不息》,當時佢與炎明熹、安崎合唱《我的驕傲》,三人一開始就飈高音,然後中段三重唱,令人聽出耳油。劉惜君仲話糖妹係「Mini陳慧嫻」,聲音同外貌都同陳慧嫻有幾分相似。另外,唔少內地網民亦大讚糖妹唱得好好同好可愛,期待佢更多嘅演出。

現年34歲嘅糖妹,喺2008年與潘雲峰(糖兄)以組合「糖兄妹」身份出道,二人喺頒獎禮上獲得多個新人獎項,但可惜組合只維持6年,喺2014年推出EP《動起來》後便甚少合體公開露面,而糖妹就話佢哋唔係拆夥。近年,除咗歌唱事業之外,佢亦有拍攝劇集、電影及主持等多線發展,成績尚算不錯。

勤力工作養家

糖妹努力工作,默默搵錢係由於佢爸爸已經退休,媽媽係家庭主婦,而佢身為長女,所以要一個人孭起成頭家,仲要供養細佢11年嘅細佬去英國讀書,每年大約28萬學費,實現佢去外國讀心理學嘅心願。糖妹曾接受傳媒訪問時話想細佬讀博士,會繼續供佢讀書,因為自己細個嘅時候都想去外國讀書,不過就未能實現,而細佬既然有清晰嘅目標,希望由細佬去完成自己嘅夢想,仲話投資喺屋企人身上係無價嘅。

《童時愛上你》截圖

《童時愛上你》截圖

《童時愛上你》截圖

《童時愛上你》截圖

《童時愛上你》截圖

《童時愛上你》劇照

《童時愛上你》劇照

《童時愛上你》劇照

《童時愛上你》劇照

《童時愛上你》劇照

《聲生不息》截圖

《聲生不息》截圖

《聲生不息》截圖

糖妹

糖妹

糖妹

糖妹

糖妹

糖妹

原文刊登於 Yahoo電影LOL,am730獲授權轉載

Ad Block
Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受