衛詩首次開騷。
衛詩(Jill)出道多年，昨日在九展舉行首個演唱會，更獲多位圈中好友如：Jace陳凱詠、陳蕾、洪嘉豪、鄧萃雯、泳兒、鍾舒漫、鍾舒淇、陳明熹、Howie@Dear Jane、Kiri T、Jude曾若華、鍾雪、Miss Yellow等現身支持。
Jill甫一開場即以型格曲風《GET OUT》為演唱會揭開序幕，及後更演唱多首 經典快歌《Funny Jealousy》、《可可》等等。Jill獻唱《可可》時，音樂製作人 Chris Polanco陳杰更驚喜現身合唱，歡呼聲四起，把全場氣氛推高。
衛詩開騷獲不少圈中好友到場支持。
Jude、洪嘉豪及陳蕾到場支持。
多謝洪嘉豪提水
Jill亦邀請了相識多年的音樂人Daniel Chu作嘉賓，分享他們相識多年點滴，Jill分享他們十多年前的台上表演合照時要求Daniel與她模仿當年合照中的動作，更著歌迷替他們拍下！途中因Jill用右手揸咪與相片不符，台下瘋狂大叫「左手呀！」最後Jill聽到台下的洪嘉豪「提水」，在台上大叫「多謝嘉豪！」場面非常搞笑！
Jill在演唱會當中首次在台上演唱Big Band成員 太陽的歌曲《Eyes Nose Lips》，給一眾樂迷一個大驚喜，唱罷更說: 「啱啱唱完韓文歌好掛住媽咪，可惜佢今日嚟唔到，不過唔緊要，爸爸今日有嚟到！一定會有下次！」最後當然少不了家姐Janice上台支持細妹。
Janice表示很開心可以擔任妹妹個唱的嘉賓，並謂: 「知道你一直以來嘅音樂生涯都好需要好多嘅忍耐同堅持。喺你身邊，除咗睇到你會有失望唔開心嘅時候，更加睇到你嘅耐性。無論有幾多嘢阻住你向前行、要等幾耐，你都會好似一個戰士咁繼續向前，繼續努力，呢個係我喺你身上好想學到嘅嘢。我真係好戥你開心，亦都好感恩我哋依然有機會一齊企上舞台，陪着對方同行。」
衛詩邀請家姐衛蘭做嘉賓。
衛詩衛蘭相擁落淚
二人感觸相擁落淚，Jill多謝家姐一直的支持，認為對方是上帝賜給她的禮物。說罷二人用紙巾拭淚，最後二人獻唱時喜愛的卡通片歌曲《If We Hold On Together》及她們的合唱歌《細細個》。
二人相擁落淚，場面感人。