陳嘉寶分享自己收到月餅的笑話。
下月10日便是中秋節，不少品牌陸續向藝人送上月餅以表心意，陳嘉寶最近亦收到品牌送給她的月餅，沒想到卻鬧出笑話。她上載在餐廳笑到失控的片段，當時有人拿出該品牌送出的月餅，片中傳來聲音說︰「佢哋先頭問我個蛋糕使唔使切？」而陳嘉寶的老公亦笑到趴低問︰「使唔使切餅費！」
月餅當蛋糕
或許因為陳嘉寶飲了酒，所以描述事件時又笑又哭，她說︰「佢先頭都有問我，佢問我係邊個生日，你哋擺低咗個蛋糕，我話唔肯定，你求其切啲上嚟先啦！佢話照上啦都唔知邊個！」原來外籍侍應把moon cake當作生日蛋糕(birthday cake)，眾人因此笑到失控。
由於陳嘉寶老公也同時叫了甜品，餐廳的侍應就非常細心的特意送上另一款甜品，碟邊用朱古力寫了「Happy Birthday」及點上蠟燭，令眾人又笑過不停，她寫道︰「貼心嘅侍應們就畀咗我呢個驚喜，特此紀念。#全間餐廳侍應都是外國人#佢哋真心認為我好感動所以佢哋都好開心#從今開始1月8同8月8都係我生日」
