陳慧琳車禍後首現身 額頭留疤與囝囝有創傷後遺症

陳慧琳(Kelly)去年與大仔發生車禍，連同司機一齊受傷送院。今日Kelly出席活動，亦是她自車禍後首度公開露面。她額頭近右邊眉頭可見明顯的疤痕，她重提事發經過時，仍心有餘悸，坦言與囝囝都有創傷後遺症，當坐車再經過意外位置時，都會感到害怕，但母子不用看心理醫生。

唔知縫咗幾多針

Kelly稱撞車時，自己撞向膠板同手機，從倒後鏡見到自己流血不止︰「啲血係咁標出嚟，跟住再望個仔有冇事，然後我右眼開始腫到豬頭咁睇唔到嘢。」並指囝囝見到她血流披面沒有哭，其後母子二人由白車送去醫院。她說︰「醫生睇到我嘅傷口，不停咁講傷口好深，當時我聽到好驚，心諗究竟有幾深，我會唔會好返，傷口係好似丫形咁，我真係唔知縫咗幾多針。」

她形容自己當時的樣子像打完一場MMA一樣，眼睛又睜不開，老公也很擔心他們。其後經理人為她再找私家醫生為她縫針，醫生要一層一層幫她縫，估計要半年才可完全康復。她指因為右眼角縫針關係，令到她的眼睛有一邊扯低了，而唱歌時會郁到那個傷口，很擔心會爆線。至於老公就覺得她現時和以前一樣，沒有太大分別。