黎明今日出席《粵港澳大灣區文創開新篇》記者會。
黎明、古天樂、熊黛林及蘇永康等今日出席《粵港澳大灣區文創開新篇》記者會，紫荊文化集團、麗新集團舉行簽約儀式，宣布合作計劃詳情。大會除了宣布大灣區電影合作計劃內容外，亦提到將會加強音樂演出製作板塊的合作，投放資源舉辦大灣區歌唱比賽，培訓有潛質的青少年成為亞洲區傑出歌手，發掘優秀的音樂人才，吸引更多青少年投身音樂事業，推動流行音樂在大灣區發展。
黎明談音樂人苦況
大會邀請黎明上台分享對現今樂壇的發展，他說︰「作為音樂一分子，呢幾年香港樂壇已經好蓬勃，其實做音樂最難做嘅係，當你想去講或者做嗰陣，做唔到出嚟就好失望，但係如果講到做到出嚟，冇人聽就仲難過，所以就係話自己崗位做好佢，大灣區有好多唔同嘅創作人、歌手，大家各自將自己工作做好，展現俾觀眾睇，有好作品自然增加大家交流，呢個交流自然可以由中國流傳到世界各地，就係咁簡單。」
等唔切李浩林翻譯
司儀李浩林隨後把黎明的說話轉用普通話講多一次，由於他要即時翻譯一次，所以有點不太流暢。當他說到一半的時候，黎明就插咀用普通話簡而精的重覆一次，說畢便隨即走到台下，連李浩林也不禁說︰「還是自己用普通話翻譯比較好一點。」