《中年好聲音》涂家堯邀阿Bob幫手促成好事 被網民大讚善心滿滿

無綫歌唱節目《中年好聲音》第一季圓滿結束，各參賽都各有發展，其中第九名「大隻仔」涂家堯近來亦密密接job 。繼擔任葉振棠及方伊琪唱會嘉賓後，日前又現身在《真情》「高校長」林小湛的83歲生日壽宴獻唱，人氣旺盛。另外，家堯亦熱愛行善做好事，日前一間車仔麵店分享了一張店員V姐與家堯的合照，並帖文大讚他「好好心、好好人」。

原來家堯得知悉V姐鍾意葉振棠，特別為她準備了兩張演唱會飛做禮物，店主寫道：「咁啱佢又將會做葉振棠演唱會嘅表演嘉賓，所以佢專登問主辦單位攞咗張靚飛送畀V姐。起初V姐係咁話唔去唔去，話要返舖頭做嘢，最後家堯用佢嘅方法聯絡到華記店長，同心合力，一齊將呢個驚喜，送咗比V姐！喺度要再一次多謝呢位好好心，好好人嘅客人，我哋亦希望你嘅演藝同歌唱事業可以發光發亮。」網民都紛紛留言大讚他：「善心滿滿」。

家堯接受傳媒訪問時透露，V姐在他參賽時非常支持他，剛巧他做葉振棠演唱會嘉賓，於是安排了兩張飛希望給對方驚喜，不過V姐因要返工而拒絕了，最後，家堯透過該店的熟客仔阿Bob（林盛斌）幫手，通知老闆，促成了這件事。