由周杰倫、陳冠希、黃秋生、余文樂、杜汶澤等人主演嘅電影《頭文字D》可謂經典之作，當年陣容星光熠熠，但竟然起用僅18歲嘅日本女星鈴木杏擔任女主角「茂木夏樹」，與藤原拓海（周杰倫飾）譜寫戀曲；鈴木杏喺電影中以日本水手服示人，清純形象令人留下深刻印象。不過，事隔多年，鈴木杏已經35歲；早前䆁出近照惹起熱議，網民紛紛指鈴木杏走樣，甚至與台灣男歌手林宥嘉撞樣。
鈴木杏10歲出道，首演電視劇《金田一少年事件簿特別版》及《金田一少年之事件簿》第二代「七瀨美雪」，其後於18歲憑《頭文字D》爆紅，更被封「初戀女神」；有指，當年拍完戲，陳冠希亦向鈴木杏展開追求。鈴木杏近年演藝作品不多，反而轉向藝術界發展，曾經舉辦多個畫展，上個月亦喺東京舉辦首個個人畫展。
當年留有鎖骨髮型嘅鈴木杏形象亦大改變，將長髮剪成俐落短髮，仲曾經大玩漂髮，將頭髮顏色漂染成灰色、藍綠色、酒紅色等，其衣著打扮亦較中性，與18歲青澀形象相差甚遠，有網民睇到鈴木杏近照，就覺得有啲似林宥嘉，又指鈴木杏有啲發福，不過素顏狀態下皮膚唔錯。
原文刊登於 Yahoo娛樂LOL，am730獲授權轉載
