Ad Block Ad Block
娛樂
2022-06-23 13:28:23

Anson Lo新歌創作班底曾奪格林美音樂獎 為《KING KONG》拍型格MV搞到周身損傷

分享:

MIRROR成員Anson Lo(盧瀚霆)最新作品King Kong作出不少新嘗試,由音樂製作到MV拍攝都為樂迷帶來不少驚喜,歌曲作曲班底強勁,包括格林美音樂獎得主。而Anson Lo為了拍出型格十足的MV,即使跳到爆衫、刮損、𠝹傷手都在所不計,務求盡所能做到最好。

《King Kong》MV繼續由Rock Sir編舞。 《King Kong》舞步較以往的歌曲簡單,但動作幅度大,難度甚高。

歌詞密集有原因

今次新歌King Kong繼續有Edward Chan監製、Oscar Li填詞,外國班底的作曲人包括Willie Weeks、Ninos Hanna、Jonna Hall,全部來頭不小,其中格林美音樂大獎得主Ninos Hanna曾為Chris Brown、Will Smith、NCT 127及KAT-TUN等作歌,而Willie Weeks亦為BTS、Super Junior、太陽@Big Bang寫過無數作品。故此,新歌風格跟Anson Lo以往的作品大有不同,他解說道:「今次音樂風格採取唔同元素,唔只有黑暗感覺,我仲特登同Edward講想加入多啲電子元素,所以大家聽到電子結他、Band Sound常用樂器喺歌曲裡面。」而歌詞方面,亦因應旋律的特性而變得猶如急口令,Anson Lo續說:「因為收到返嚟英文Demo,譬如本身歌詞係I just wanna know,咁『Wanna』一隻字就要用返兩個中文字,歌詞就變得密密麻麻,呢個情況係基於語言上嘅分別,但我一定會盡力唱好啲,幾密都要唱得清晰。」話雖如此,今次Edward卻沒有要求Anson Lo字正腔圓去演繹,Anson Lo解釋道:「因為想營造落寞、荒島氛圍,而歌曲本身聽落去都似去咗一個宏偉、壯大嘅廢墟或者荒廢咗嘅城市,所以用比較沙啞嘅聲線去唱,襯返首歌嘅感覺。」

由於動作幅度大,Anson Lo多次跳到爆衫要即時縫補,更被衫扣刮傷。 型格背後,Anson Lo傷痕纍纍。 Anson Lo還親身應付動作場面。

動作幅度大 多次跳爆衫

過往Anson Lo多會挑戰複雜的舞步,但今次跟Rock Sir溝通後,卻選擇了大手大腳清晰的步法,他解說:「我哋諗舞步時會諗King Kong形象係咩?應該會有不同嘅動作,甚至係打自己心口。我哋就將呢啲元素擺入歌裡面,大家睇多幾次就發現好多手部動作做主導,同用前臂比較多。」雖說舞步較以往的歌曲簡單,但由於動作幅度大,在拍MV時反而增加了難度,Anson Lo說:「MV裡面有一件衫有銀色扣披住,係Stylist團隊將逐個拉鍊扣針埋一齊形成個披,因為好多唔同金屬扣拼埋一齊變得好重,一郁感覺就似做Gym舉鐵,比起排舞室著Tee跳會難好多,加上扣與扣之間有細扣Fix死,但拍MV時細扣鬆開或叉開,會刮到我啲肉。」Anson表示,不少神徒(Anson Lo Fans)見他在社交平台出Post時,都眼利見他有疤痕,其實都是拍MV刮傷的。

MV中搭升降機一幕,Anson Lo要有型地摸生銹鐵籠,𠝹到隻手爆血。 工作人員替Anson Lo治理傷口時,他痛到慘叫。 Anson Lo拍MV割傷手,慘豬豬。

𠝹傷手指痛到慘叫

其實在兩天的拍攝中,Anson Lo亦真的有受傷,不過他表示只是小意思。Anson Lo回憶道:「其中搭升降機一幕,製作團隊做咗一個生銹鐵籠,因為上面好多生銹物料,我要對嘴拍Mood Shot,唔能夠就住,否則唔夠有型,所以就會一嘢揩落去、摸落去,最終搞到隻手𠝹到爆血,感覺似一把刀𠝹開,但只係皮外傷,唔係好痛。」Anson Lo在早前發布的拍攝花絮中,就因為處理傷口痛到慘叫,令神徒大感心痛。

Anson Lo又指,每次做歌到拍MV都想有不同的感覺,今次King Kong可算是心願達成,做到有氣勢、有神秘感,更有壯觀畫面,是自己計劃之中想做的事,他感謝團隊很團結去完成這次製作,亦希望大家會喜歡King Kong

Ad Block
Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受