193被兩位女拍擋指他不喜歡美女。
ERROR成員郭嘉駿(193) 與郭奕芯、譚凱倫錄影ViuTV節目《晚吹-戀講嘢》，193指兩位女主持在節目談到性主題時，愈講愈鹹濕，但他望住她們完全沒有畫面或遐想，並謂︰「見到其他靚女就會控制不住，對住佢哋係控制到自己！」
郭奕芯、譚凱倫聞言即指193不喜歡美女，193反駁說︰「佢哋成日屈我！我想澄清，我係話唔一定鍾意靚嘅女仔，要睇內在美、心靈。」兩位女拍檔指193在節目不願分享，毫不敢言，他說︰「我只係鍾意鬧人，係潑婦罵街，偶像唔講呢啲嘢，連屎都唔可以痾，盡量會講返愛情。」他指怕大家講得過了火位，相信節目組會拿捏好內容尺度。問到會否邀請ERROR其他兄弟上節目分享，193表示不會，擔心他們會亂講說話，甚至會邀請前度一齊亮相，並稱︰「如果搵得太勁的藝人做嘉賓，個節目應該就快摺。」
