Ad Block Ad Block
娛樂
2022-05-13 18:20:20

Anson Lo出道三年 直言最辛苦面對流言蜚語 

分享:
 Anson Lo 爆出道三年最辛苦是面對流言蜚語。

Anson Lo爆出道三年最辛苦是面對流言蜚語。

「教主」盧瀚霆(Anson Lo)昨晚(12) YouTube頻道分享了一條「帶你去工作」你問我答的影片,片中他一邊工作一邊答神徒(粉絲暱稱)不少問題,原來教主對上一次玩Q&A,已經是一年前的事。

教主乘坐經理人花姐(黃慧君)的座駕出發到工作目地,途中花姐即追問教主幾時給家用?教主則笑言:「我覺得傳統畀家用方式太沒趣。(花姐:我嘅人生係沒趣,唔介意沒趣。)我想親手煮嘢食畀花姐。(花姐:我唔接受。)喺你接受嘅時候我就畀家用。(花姐:一世都唔接受呀!)」

至於有神徒問到在疫情下如何保護自己?教主說:「前一陣子我有抗疫疲勞,因為太小心謹慎,之前拍廣告時,無論攞住任何物件都要消毒,無論飯盒、飯蓋同膠袋都要噴嘢,我摸過一下椅柄都要噴,真係好誇張,最近就冇咁過分緊張。」其後到放飯時間,教主大晒「教母」為他親手炮製的愛心飯盒,當中有幾隻雞蛋,亦有價值接近$300的牛扒,更示範如何在餐具及飯盒上噴消毒劑。

有人問到教主塵的味道是怎樣?他說:「我細個真係食過塵,個質地係棉花糖,味道似木味。」教主更表示自己增肥成功,他說:「超級無敵困難,我本身唔係食好多餐嘅人,通常少食多餐先肥,我一直係瘦底,最瘦試過126127磅,我呢個身高嘅男仔應該140幾磅先正常,我用一個月時間,由128磅增至142磅,今日係146磅。」有網民問到會做什麼生意養老,教主表示:「我諗會創立一個屬於自己的時裝品牌,但短期内沒有計劃」他又坦言目前很喜歡現在做的工作,享受幕前演出。

Ad Block
Anson Lo 偷拍「教父」的梳化的睡姿。

Anson Lo偷拍「教父」的梳化的睡姿。

花姐追家用。

花姐追家用。

提到出道三年最辛苦是什麼?他說:「要說『辛苦』的話,面對一啲流言蜚語,每個人都唔想畀人誤會,我自己approach又唔會解釋啲乜嘢,不如用自己推出嘅作品,令唔相信自己嘅人、誤信呢啲傳言嘅人,終有一日會對我刮目相看。」她更表示自己最大的轉變,是心理強大了很多,從去年《調教你MIRROR》,好多事情會藏在心裏,現在都睇開了。

有網民問他如何看待失實的惡意留言?他表示早前亦跟隊友呂爵安都討論過類似的話題:「好多人覺得Anson Lo每日活喺一個粉紅泡沫入面,好似每一日只同神徒同喜歡Anson Lo觀眾互動,好似忘記咗接受外界意見,其實我冇ignore,呢啲資訊我一直收到,就住唔同內容及評論,我全部都有收到,即使當我自己唔睇,我心裏都知道有不足地方及做得唔好地方。」他還出賣「教父」倫拍他在梳化的睡姿,最後,更甜蜜表示在每一日很多時都經常會想起神徒們,好像大家的生活互相融合了,令人窩心。

Ad Block
Anson Lo坦言心理強大了很多。

Anson Lo坦言心理強大了很多。

請接受以下私隱政策及免責聲明,以示你同意am730內之私隱政策及免責聲明。了解更多
接受