譚嘉儀呻美國開騷無艷遇新歌借情侶分手比喻舊東家

譚嘉儀昨日（8日）到紅磡出席將於2月13日舉行的「《同心同路。聲動香港》慈善音樂會」記者會，同場有胡渭康、韋綺珊、文佩玲、李樂詩、何啟南、支嚳儀、劉威煌、沈宗賢等。是次音樂會獲得多個企業、基金會及社會支持。

譚嘉儀早前到美國開騷，順道留在當地過聖誕跟當地朋友食飯見面，她表示在當地玩溜冰感覺良好，於是返港後報名上堂，目標希望可以做到轉圈動作。問到有沒有艷遇，她大呻沒有：「個個都問我有冇，係冇呀！我係同個女仔去，連溜冰跌倒都係女士嚟扶我哋！我覺得呢啲係電影情節，或者幻想出嚟！」

譚嘉儀透露將會推出新歌，內容以一對拍拖已久的情侶分手互相祝福，喻意她跟舊公司的關係，離開舊公司踏上新旅程，「有時分手係可以互相祝福嘅離開」。她表示現時做獨立歌手壓力頗大，宣傳、發行都要一腳踢，加上要把賺回來的騷錢全投資在音樂上，她希望今年可以出多幾首，坦言產量對她很重要。她稱做獨立歌手的自由度比較大，歌曲故事構思、編曲可以自己話事，同時令她在音樂上有更多突破。