周吉佩與太太黃彥欣一齊出席慈善晚會。（娛樂組攝）
周吉佩與太太黃彥欣盛裝昨日（16日）出席仁愛堂慈善晚會，二人以粉紅色打扮到場，黃彥欣穿花花裙露肩晚裝，吉吉就全身粉紅色，他直言自己甚少以如此鮮艷打扮現身，笑謂很難carry，自己走到街上也感到尷尬，但為了太太只好豁出去。
吉吉表示自己忙於籌備月底的音樂會，正考慮加入馬戲元素，同時唱歌學校也要準備不同活動，但有太太幫手打點。問到可會加太太人工，吉吉說：「唔使加！我唱歌學校收入全數係歸太太，我就想加零用錢，我新一年希望可以加人工！我真係好辛苦！」黃彥欣聞言表示會考慮下，並爆吉吉買東西會先斬後奏，吉吉就指男人買東西，女士不會明白，加上自己最多買下鏡頭，有時也會trade來trade去，使費不算大。
周吉佩向來衣著顏色以沉實為主。
問到會否夫妻檔合唱，黃彥欣即「投訴」指吉吉認為她的聲音難聽，「佢話我把聲難聽！好難聽嘛！」吉吉即救生慾上升解釋：「佢唱歌時係好聽！不過，佢記唔到歌詞！佢驚！我識佢咁耐，只係聽過佢唱一次！」黃彥欣說：「點敢唱喺你面前！把聲又難聽！」吉吉續說：「我諗呢世人好難聽到佢唱歌，我願望希望可以再聽到佢唱多一次！我就開心啦！」沒料到太太落閘表示「唔需要！」吉吉即笑謂大家要俾多些鼓勵太太。
周吉佩指黃彥欣講說話時聲音難聽，非常搞笑！ （娛樂組攝）
ADVERTISEMENT
【開APP領取】免費換領麥當勞叔叔之家利是封及揮春
