方力申自爆氹掂老婆生夠4個 。
45歲的方力申與細14年太太葉萱（Maple）的B女Isla於上月出世，方力申升呢做老竇，有女萬事足，經常在社交網分享與女兒的生活點滴，亦不時預告會再追多個小朋友。日前，他在社交網貼出一段太太在月子中心坐月的短片，片中見方力申落手落腳湊女，有板有眼，愛女Isla更與他十足餅印 。
娛圈多仔公
片中見Maple 在月子中心休養，環境舒適寬敞，方力申抱住女兒，學習餵奶、掃風、幫BB沖涼，更不時大玩「Skin to skin」等，父愛氾濫，而Isla的五官輪廓相當精緻，與爸爸十足餅印；方力申更自爆氹掂老婆回心轉意再生多幾個：「Maple話佢做嘅最好決定係無痛分娩，而佢話我做嘅最好決定，就係頭一個月一齊住月子中心。一來佢可以專心坐月，二來可以畀我學習做新手爸爸。佢話只要繼續有呢兩樣嘢，可以生多兩個。跟住我話，咁不如你諗多一樣嘢，就生夠四個喇，講笑啫，我係冇講出口嘅。」方力申揚言要生夠4個小朋友，即被網民封為「娛圈多仔公」。
ADVERTISEMENT
【開APP領取】免費換領麥當勞叔叔之家利是封及揮春
