葵涌低水私樓吸引「00後」小情侶 好心業主助上車 兩房呎售9355元(有圖)｜二手樓成交
樓市氣氛向好，買家入市態度更加積極。中原地產葵涌高級資深分區營業經理許偉業表示，葵涌嘉翠園1座低層A室，實用面積約465方呎，兩房間隔，內櫳企理，外望市景，以435萬元沽出，呎價約9,355元。
買家曾睇天水圍及屯門樓
據了解，買家為「00後」小情侶，睇樓已一段時間，包括天水圍及屯門區，但由於上車資金有限；而葵芳地鐵沿線屋苑升幅達一成有多，不過嘉翠園卻嚴重落後，於兩星期前參觀上址。適逢業主剛剛放盤，眼見單位保養得宜，但男方家長未睇及自己要離開香港一星期，託代理與業主盡量預留。此段時間內業主雖接獲不少對放盤有興趣查詢，更有準買家還價430萬元，最終該對「00後」情侶成功於短時間內與好心業主商討成功，以435萬元拍板成交。
資料顯示，原業主於2008年以150萬元買入單位，持貨約18年，現轉售帳面獲利285萬元，物業期內升值約1.9倍。嘉翠園位於上葵涌青山公路葵涌段382號，發展商為新鴻基地產(016)，1992年入伙，共有2座，提供428個單位。
即睇葵涌嘉翠園放盤 (House730)
⇊直擊嘉翠園1座低層A室 ⇊
ADVERTISEMENT
立即更新/下載AM730手機APP 體驗升級功能
