翁子光首次執導的賀歲片《金多寶》，昨晚(8日)於沙田舉行首映禮，翁導率領金燕玲、鍾雪瑩、MIRROR成員呂爵安(Edan)、李尚正、楊詩敏(蝦頭)和盧頌恩等演員齊齊現身。早前疑被ViuTV和Viu1hk封殺的游學修，在為床哥@JFFT頂更「心事台」時預告出席首映禮，支持《看我今天怎樣說》的拍檔兼好友鍾雪瑩和Edan。阿修果然現身，當他接受電子傳媒訪問時，開心地舉起ViuTV咪牌，現場觀眾即報以歡呼聲以示支持。他表示是獲電影發行邀請︰「我覺得要嚟，因為係我好朋友鍾雪瑩嘅喜劇電影，又有Edan(呂爵安)同咁多位出色演員參與，仲有導演翁子光，細細個就識佢，要支持一下。」不過，他不知Edan事前是否知道他來，但強調鍾雪知情︰「鍾雪好好，仲話我知幾點做訪問。」他形容心情：「開心、滿足。」望著手中咪牌仍欠TVB，「但仍需努力！」
羨慕吳肇軒拍綜藝
游學修在「心事台」曾表示想得到ViuTV其中一隻吉祥物「生氣」，他自爆已到手，「之前有位男團成員已經送咗畀我，我本來打算掛住出嚟首映，但被經理人沒收，佢驚我好似玩嘢咁。特別喜歡『生氣』因為佢形象鮮明，好有趣，想儲佢啲周邊。」至於是哪隊男團哪位成員？「我唔開名喇，費事搞到佢。」
問到事件是否已解決︰「我希望係解決咗啦，希望個誤會已經冇咗。」他直言想參與ViuTV節目，拍劇或綜藝皆可，「我都真係好耐冇上，我見吳肇軒拍個節目（《骰界》）好似好開心，我都想上去拍下，好羨慕。所以而家做訪問就呼籲下，繼續搲撈，搲到有節目玩就仆到去，酬勞之後再計。」阿修又再次多謝伯樂的電話關心：「多謝佢有打呢個電話嚟，最主要係表達咗呢個關心，佢係我事業路上好重要嘅前輩。」不過就不方便透露對話內容。
否認太衝動
游學修直言經一事長一智，但否認太衝動︰「我今次冇呀，我冇鬧過人，我冇發過脾氣，今次乖咗好多，希望大家見證到我乖咗，冇再亂嚟。」至於早前上到JFFT頻道做節目，游學修表示因為自己（試當真）執咗笠，希望有多啲曝光。對於床哥指他有心事未講完，邀請繼續上心事台，阿修就暫時婉拒，笑言直播有3萬人收看，已超越JFFT成績，待床哥3月復出，再call in講心事，「我而家想上HoyTV！」
ADVERTISEMENT
【開APP領取】免費換領麥當勞叔叔之家利是封及揮春
