港島私樓長揸仍蝕！兩房買入14年 最終帳面輸364萬離場｜二手樓成交
港島區物業向來被視為保值能力比較強，但銅鑼灣曦巒最新錄得一宗大額蝕讓成交，兩房業主持貨達14年，轉售帳面虧蝕364萬元或近25%離場。
利嘉閣地產東半山跑馬地希慎道分行A組分區董事梁國樑稱，該行新近促成銅鑼灣曦巒中層G室成交，單位實用面積約610方呎，屬兩房連儲物室間隔，外望開揚市區景。
買家為外區用家 曾租住該廈
梁國樑表示，新買家為外區用家，曾租住此大廈，加上社交生活圈子集中在區內，早前經利嘉閣真盤源平台搵樓，見上述放盤即約代理睇樓。客人心儀單位間隔合用，物業樓齡新，加上地理位置優越，旺中帶靜，附近民生配套齊全，睇樓後即與業主進行洽購，終以1,100萬元沽出，呎價約18,033元。
據悉，原業主在2012年以約1,464.5萬元一手買入單位，持貨約14年，現轉售帳面虧蝕364.5萬元，物業期內貶值約24.9%。資料顯示，曦巒位於銅鑼灣希雲街38號，2014年入伙，提供190個單位。
即睇銅鑼灣曦巒放盤 (House730)
ADVERTISEMENT
