@threads/21sausage___圖片
調景嶺近日驚現「神秘地攤」，引來網民熱議！有市民在Threads分享奇景，指街頭竟有人隨意鋪上一塊白布，上面放滿真偽未明的Chloé手袋、FILA帽款及 Nike帽款等潮流名物，場面猶如外國「零元購」(高賣)擺攤。發帖者更爆料「店主係黑人大哥，去咗食飯」，笑言調景嶺一夜化身「小法國」。
帖文一出即掀起討論，有人質疑貨品真偽，直言「呢啲全部都係A貨啦，香港有邊間專門店俾人爆格香港人會唔知」，更有不少人和應樓主齊齊開玩笑，「冇黑人睇檔我一律都當假」、「啲貨會唔會係喺康城攞？」、「法國康城定香港康城」、「即刻諗起法國/西班牙嘅地攤經濟」、「要啲咩款可以同個店主講，佢即刻叫啲兄弟去攞」。
購買或犯《盜竊罪條例》
另有網民指在大圍、荃灣、天瑞站等地亦曾見過類似「神秘地攤」，而且店主同樣是黑人。雖然未知相中「潮物」的來源，值得留意，《盜竊罪條例》列明，若購買者在知道或相信貨品屬贓物的情況下仍然購買，即屬犯罪，最高可判監14年。
即睇網友反應
ADVERTISEMENT
請你去迪士尼樂園玩！登記攞飛！
