網民在網上大曬逗利是戰績（Threads)
過咗正月十五，終於可以拆利是啦！雖然話「財不可露眼」，但好多網民仍然喺網上大曬戰績，有網民喺客廳鋪滿銀紙，仲出動專業「工具」拆利是！
有網民喺Threads分享短片，話﹕「每年最發達嘅就係小朋友！」見到出動咗3個小朋友喺地下密密拆利是，啲銀紙疊埋一齊咩銀碼都有。有網民留意到其中一個小朋友戴埋手套拆利是，專業又衞生！有網民留言﹕「由細到大夾埋都冇呢到1/10咁多」。仲有網民留意到地下有一把玩具槍，問﹕「把槍咩事，咁似打劫完分贓」；「食完大茶飯，會唔會分贓唔勻！」
有網民習慣不拆利是
另一方面，亦有網民唔會拆利是，大曬疊到好高嘅利是山，話「幾年前開始就有個習慣唔拆利是，儲住大家嘅祝福同福氣」。樓主問大家有冇呢個習慣，不過亦有人分享要拆利是先可以接收到祝福！
網民在網上大曬逗利是戰績（Threads)
ADVERTISEMENT
請你去迪士尼樂園玩！登記攞飛！
