鍾培生與未婚妻莊雅婷一齊出席晚宴。（娛樂組攝）
鍾培生以「進擊的求婚」成功抱得美人歸，昨日（6日）與準鍾太莊雅婷出席仁濟晚宴。鍾培生心情大好，拖住未婚妻滿場飛，而莊雅婷就表現比較含蓄，當聽到傳媒要求派心心時，莊雅婷就不停叫「下？好老土呀！」最後僅俾了半秒。鍾培生在現場多個舉動予人他感覺非常竉愛莊雅婷，如向傳媒表示：「以後睇住我老婆，有乜嘢就插我！」、「今日唔會答得多啦，因為老婆話我亂講嘢。」當大家要求錫錫時，他說：「佢會話我整花佢個妝！」可見對未婚妻非常尊敬。
此外，網民轉載本報拍的現場片段，分析莊雅婷的行為，鍾培生就對派心心的問題tag了莊雅婷的帳號說：「嗱，網民唔buy啊，你睇吓人哋幾專業分析！」，並透露「佢講到而家都仲講緊點解而家啲人仲俾心心咁老土？」鍾培生曾表示自己性格難頂，除非找到一個「食得住」自己的人，否則不會為對方作改變。不過，莊雅婷昨日在IG貼出合照，並寫下一句：「佢今日唔敢再錫我，因為會整花個妝。聰明咗 嘿嘿！」可見鍾培生未有因為自己想行動便行動。
莊雅婷與鍾培生拖到實。（娛樂組攝）
莊雅婷與鍾培生拖到實。（娛樂組攝）
ADVERTISEMENT
請你去迪士尼樂園玩！登記攞飛！
