於銅鑼灣屹立近30年的老牌上海菜館「滬揚川」結業(張堅庭FB)
有名人捧場的餐廳亦抵不住結業潮，於銅鑼灣屹立近30年的老牌上海菜館「滬揚川」結業。著名導演張堅庭是長期食客，不禁發文大嘆可惜。
張堅庭在Facebook發文，指﹕「滬揚川靜靜雞執咗，冇講到幾時開，會搬去邊度，跟他的中年老細好冷（靜？），並不熱情的老闆一樣，我兩公婆少了一個不知吃什麼，去滬楊川囉的暗號」。
張堅庭大讚該店賣的是扎實的老牌舊式或港式滬揚菜，是往年南下上海人的本色菜，不只正宗，而且價錢合理。他大讚尤其酸辣湯是他食過最好吃的，足料，鹹酸相宜。他通常會買兩打上海生雲吞及一份酸辣湯回家，與老婆「撐枱腳」。
請大家介紹差不多水準的餐廳
作為長期食客，張堅庭透露以前曾問及老闆，業主會否減租。老闆不太喜歡聊天，只是淡淡的說：「唔加租就好」。反而當時旁邊一個食客忍不住插嘴指「啲業主好PK，佢哋寧願減壽都唔肯減租」。如今餐廳果真結業，張堅庭表示﹕「麻煩你哋幫我搵番同滬揚川咁上下㗎啦！」
ADVERTISEMENT
請你去迪士尼樂園玩！登記攞飛！
