Jay Fung出席新車發布會。
馮允謙昨日出席瑞典汽車品牌Volvo新車發布會，活動由黃心美擔任司儀，唱作歌手Jay Fung馮允謙親臨現場，不僅與一眾主禮嘉賓共同為新車揭幕，更即席獻唱兩首歌曲，將現場氣氛推至高峰。
Jay Fung提到自己在加拿大生活時，家人亦是品牌的用家，對品牌的安全性能深感認同。隨後，Jay Fung聯同瑞典駐港澳總領事貝樂儀女士、謝欣先生、Robby Niermann先生及曾耀民先生，一同為萬眾期待的新車進行揭幕。
剛從加拿大放假兩星期回港的Jay Fung，心情特別愉快，分享道：「啱啱返咗加拿大放咗兩星期假，同屋企人一齊租場打冰上曲棍球，玩得好開心！不過因為成日同屋企人食好嘢，返港即發現肥咗十磅！」談到新車的寬敞七座設計及特大尾箱，Jay Fung即顯得相當興奮：「以前喺加拿大成日同家人Road Trip去露營、滑雪、釣魚，當時要帶帳篷、燒烤爐同冰上曲棍球裝備，車尾箱成日唔夠用。見到新車咁大嘅空間，載足全家人仲有位擺晒所有裝備，真係好適合我哋呢啲鍾意同屋企人去玩嘅人！」
Jay Fung分享了他對品牌的喜愛。
雖然男性大多追求跑車的速度感，但從17、18歲開始揸車的Jay Fung卻有另一番體會：「揸車咁多年，我反而覺得安全比速度更重要。」他更笑言自己「睇位」技術一般，因此特別鍾情高身SUV：「高身SUV視野好好多，睇位容易啲，揸起上嚟安心好多！」他直言Volvo一直是安全的代名詞，與自己追求「安全第一」的駕駛理念不謀而合。
ADVERTISEMENT
【👇送3M靜電空氣濾網體驗包4包👇】
