洪欣
現年54歲嘅前TVB花旦洪欣係90年代女神，近年主力喺內地發展，除咗登台搵真銀之外，佢仲積極經營社交平台。
日前佢喺小紅書罕有晒出與媽媽及11歲女兒張晞彤嘅合照，強大基因瞬間成為討論焦點。
「你不必長成玫瑰」
喺3月8日國際婦女節，洪欣喺小紅書分享影片，影片中放有不少佢同囡囡嘅合照，最後更放上三代同堂合照，並寫上：「你不必長成玫瑰，你樂意的話，做茉莉、做雛菊、做向日葵、做無名小花，做千千萬萬，做自己就好，祝大家女神節快樂」。
「女兒越大越美」
11歲女兒張晞彤遺傳晒媽媽嘅優良基因，皮膚白哲兼擁有一雙大眼睛，長大亭亭玉立，三人如餅印。
呢個PO一出，唔少網民驚嘆基因強大，留言話「基因強大」、「與媽媽很像」、「女兒越大越美」、「女兒也好漂亮」及「倆孩子都那麼好看，男孩像媽媽，女孩像爸爸」等等。
原文刊登於 Yahoo娛樂圈
ADVERTISEMENT
請你去迪士尼樂園玩！登記攞飛！
