柯煒林(Will)今日(11日)與邱士縉(Stanley)齊齊現身啟德，出席時裝品牌活動。對於獲提名金馬影帝的台灣電影《大濛》，成為今屆香港國際電影節的選映作品，並落實在香港正式上映，柯煒林大感興奮，但亦不忘「找數」，「之前應承有飛去台灣睇戲嘅香港觀眾朋友，記住留番張飛，應承咗會喺香港請大家睇多次，東主有喜，可請大家睇戲好開心。」但仍構思如何實踐。至於可會親身謝票，他自爆原打算4月外遊，但如今得知電影在港公映，故決定留港宣傳。據他所知港台兩個版本的片長相若，由於未看香港版，故未知內容是否一樣。
新年暴食 重咗3公斤
柯煒林和Stanley兩位型男見面，即互相摸心口，Will笑言，「摸完自己心口再摸佢，發現自己唔係幾OK，大有大摸細有細摸。」他自爆在農曆新年放肆食蘿蔔糕，疏於做健身，「重咗3kg，落咗肚腩到。」他表示剛從台灣旅遊回港，正在看劇本和洽談新戲演出，相信下半年開鏡。
ADVERTISEMENT
請你去迪士尼樂園玩！登記攞飛！
