《夜王》飾演「葵芳」嘅蔡蕙琪搶盡風頭
《夜王》入面「葵芳」一角成功彈出，蔡蕙琪更因此令人認識，人氣爆燈。葵芳的造型、口音成了網民討論焦點外，當時布網民指荔景站的英文「Lai King」諧音與《夜王》英文戲名「Night King」似到應一應，更笑謂葵芳有個阿哥叫「葵兄」，建議《夜王》可以考慮下跟港鐵合作，將荔景、葵芳、葵興站來個crossover，更期望日後有廣播嗌「Next station is Franchesca」！昨日（12日）有網民發現葵芳站貼有《夜王》葵芳的海報，留言表示「葵芳站英文改咗名……」，不少網民見到之後大為震驚，而《夜王》的小編更留下「嘻嘻」兩個字，間接證實改名一事。港鐵的專頁亦出PO宣布3個站改名。
港鐵以「Next station is… Franchesca？！」為題，留言說：「四捨五入有三個站：葵芳、葵興及荔景站嘅牆壁，真係出現咗近期大熱電影《夜王》嘅打卡位！除咗葵芳站「Franchesca」外，荔景站變身「Night King」，記得去埋葵興站搵「葵兄」啊！打卡之餘，記得去埋葵芳站客務中心購買葵芳站名相關精品，仲可以獲得$10港鐵車站商店優惠券同電影海報一張𠻹（數量有限，送完即止）！」同時更指蔡蕙琪將會現身葵芳站打卡，「點解咁搞笑？而家興吖嘛～小編仲聽講Franchesca本人今晚會親自嚟到港鐵站打卡影相㗎！到時見XD」
港鐵宣布荃灣線3個站改名，網民的想法終於實現。
ADVERTISEMENT
送挪亞方舟暢玩門票2張及遊戲代幣10個
