立法會前議員江玉歡力撐莊雅婷，話：「從政都係人啫，男歡女愛好平常」。
民建聯西貢區議員莊雅婷同名人鍾培生訂婚，掀起全城討論。立法會前議員江玉歡力撐莊雅婷，話：「從政都係人啫，男歡女愛好平常」。
從政者較難結婚生育
江玉歡喺佢主持嘅電台節目提到呢件城中熱話，佢覺得從政者比較難結婚、生仔。而全球都有類似討論，唔少知名嘅政治領袖都冇結婚，或者結婚後冇生育，例如前英國首相卓慧思、法國總統馬克龍等。
江玉歡提到香港結婚率低過鄰近發達城市新加坡，香港同時步向「老齡化」、「少子化」，佢覺得既然要鼓勵生育，應該寬容看待政界人士拍拖、結婚。佢話：「從政都係人啫，從政都係應該可以拍拖、結婚、同埋生仔嘅，亦都應該係鼓勵先係」。
ADVERTISEMENT
請你去迪士尼樂園玩！登記攞飛！
