廖子妤為金像獎物色戰衣。
廖子妤、趙君瑜 Angelina、鄭芷淇 Elka@LollyTalk、林千渟、黎紀君 Christy 日前出席時裝品牌 Maje活動。Fish以一身極具品牌特色的純白色通花長裙亮相，成為全場焦點。入圍金像獎最佳女主角的廖子妤表示，正忙於挑選晚裝出席頒獎禮，揚言要艷壓群芳奪「最佳衣著獎」。
她說：「我每一年度，無論係頒獎嘉賓好啦，又或者係有份提名都好，我都會好希望係靚嘅。我好想攞『最佳衣著獎』啊！依家開始度緊啲多謝感言，即係萬一咁好彩可以得到呢個獎，我都有好多人要多謝！上次喺香港電影評論學會頒獎嘅時候，我嗰時其實係冇準備到嘅。如果嚟緊再得獎，我一定會發台瘟。我由幼稚園第一次上台，即係扮太陽花嘅時候，我已經發緊台瘟喇，但唔知點解我都係依然好愛表演，同埋好愛上台嘅。」
廖子妤自言會發台瘟。
談到《夜王》票房快將破億，她表示稍後會有慶祝活動。問到原班人馬再拍戲，她表示之前大夥兒建議拍喪屍題材，但她認為原班人馬拍有難度。她說：「因為每一次都有新成員加入，人數多咗，個組合變數會大咗，想要有新鮮感俾大家。成班人好似投胎咁，呢世又做咩呢，我都好期待！」
ADVERTISEMENT
送挪亞方舟暢玩門票2張及遊戲代幣10個
