單立文日前迎來67歲生日。
人稱「豹哥」的單立文日前迎來67歲生日，原來今年已是他加入《愛．回家之開心速遞》大家庭後，第10次在劇組過生日。雖然他早有心理準備，知道大家一定會為他準備驚喜，但今次場面卻出乎意料地盛大，劇組竟然在TVB canteen大搞生日會，全場藝員齊齊大合唱生日歌，氣氛high爆，場面墟冚！
愛回家劇組在TVB canteen為單立文大搞生日會，豹嫂驚喜現身。
豹嫂驚喜現身
除了劇組心思十足，豹嫂胡蓓蔚亦低調現身電視城，親自為老公送上驚喜。她透露原來是前一天收到湯盈盈的訊息，約她來TVB一齊食生日午餐，但千叮萬囑要保密，「佢仲特登嚟接我，好多謝《愛·回家》嘅家人們。」而單立文表示生日願望是身體健康，並透露自己剛做完眼睛換晶片手術，目前仍在恢復中：「康復嘅路係好漫長嘅，我依家可以慢慢睇清楚晒所有嘢，所以生日願望第一係身體健康。」 除此之外，豹嫂亦在社交網放閃，上載與老公二人世的慶生短片，片中，見豹哥對住蛋糕誠心許願，豹嫂則在鏡頭後細細聲為老公「洗腦式」表示：「聽晒我話，怕老婆先會發達，知唔知道？」場面甜蜜又搞笑。
ADVERTISEMENT
