周可茵妝容被指太重手。
TVB新聞台「靚女擔當」主播周可茵（Yomi），憑住甜美樣子兼一對水汪汪大眼晴，經常被網民封為《多啦A夢》的「真人版靜香」。不過，最近她就被一位模特兒兼網紅劉海琦（Heidi）分享她報《香港早晨》時的妝容，Heidi在社交網直指：「想提提佢個鼻影要輕手返啲」短短一句話字，卻意外引起一場隔空互動。
大方自嘲
向來懶理網民評頭品足的周可茵，今次竟然親自「現身」回應，她大方自嘲：「我見到啦，多謝提醒，都真係未瞓醒。」Heidi見狀都立即補飛：「希望唔好介意，本身你已經好靚，輕手返啲就Perfect！ 」
有網民就加入「戰團」留言質疑周可茵背後有醫美助攻，更挑機謂：「你肯覆就已經夠勇氣，醫學美容好閒啫。」周可茵面對連環狙擊，僅以短短三個字霸氣拆彈：「化妝咋。」輕描淡寫一句除盡顯大方，又順勢為化妝技術平反。